ما الجديد
مرحبا بك زائرنا الكريم في منتديات حايلنا. اذا كانت هذه زيارتك اﻻولى فنتشرف بانضمامك لنا عبر الضغط على زر التسجيل وان كنت احد كوكبة اعضائنا فلا تنسى تسجيل الدخول

لنرسم من الحروف ابياتاً جميله ..

‏الوقت لامنه مضى ماهو بجاي والحب لامنه قضى ، ما يتجدد النار تطفي لنتشت ريحة الماي واللي فسد باول حياته ، تشدد

‏الوقت لامنه مضى ماهو بجاي
والحب لامنه قضى ، ما يتجدد
النار تطفي لنتشت ريحة الماي
واللي فسد باول حياته ، تشدد
 
خبرتو حدن يقسا على واحدن يغليه
خبرتو حدن مظلوم .. والظالم فواده

انا ماخبرت اللي تندم على ماضيه
الا ان يكون اخطا على نفسه زياده
 
لاتقول اني نسيتك .. مانسيتك
كيف ابنسا من نسا ناسه عشاني

والله اني لو رجيتك وارتجيتك
ادري انك تعتبر نفسك .. مكاني
 
التعديل الأخير:
‏ياصاحبي لاتحسب الليل .. ظلما
صحيح مابه شمس لكن به انوار

لاتكتب حروفك على صفحة الما
انقش حروفك على صخر وحجار
 
ماني علي غيره شفوق ومحتد
اما تجيني هي .. ولا فراقي

والله لو هي كافره كان نرتد
لكن بها اسلام .. زاد اعتناقي
 
ياويل حالي كل مالاح لي زول
رحت اتذكر روحته يوم راحي
زولن الى منه رمى يجدع الجول
كنه طلق طايش ولا هو بصاحي
 
‏انا معك غلطان .. وانتي على حق
لو الخطا منك .. اجي واعتذر لك
وان لان قلبك واستلان وعلي رق
اكب لك كل العشا .. واعترف لك
 
التعديل الأخير:
‏كل ماقلت ارجهن القلب وريح واستراح
صابته عين بسهمها .. والبلاوي صابته

كنت اقول اصبر ياقلبي واللي راح راح
ماسمع قلبي كلامي .. والمليله جابته
 
‏لولا الغلا والشوق .. ودموع عيني
كان استلذ النوم في بعض الاحيان
لكن حكم عشقي .. والحب فيني
اسهر مدام الراس .. هاوي وطربان
 
‏لكتبت ابيات ماهي من خيالي
اجمل الأبيات بالشعر الكذوب

لاتقول اني فقير وراس مالي
كذبتين اقولها وارجع واتوب
 
يقولون دار الخل بادي عليه اخيال
وانا اقول ياربي عسا هالمطر خيره

وانا خابرن خلي لجاه المطر يختال
يحب الخلا ومفارق البيت والديره
 
‫العين فيها رماد وبالحشا جمره‬
‫والنار شبت ولا به شي يطفيها‬
‫مدري على كيفي امشي او على امره‬
‫ياليت ربي خلقني قطعتن فيها‬
 
يجب تسجيل الدخول أو التسجيل كي تتمكن من الرد هنا.
عودة
أعلى