لنرسم من الحروف ابياتاً جميله ..

[انا هو انا]

دون خلي وقتها الليله طــــويل ** يـومها كانت معي تسهـر قصيره

ياليالي وقتنا الماضي الجمــيل ** ارجعي لي حالتي صارت خطيره

 

[انا هو انا]

لا تـرجعين اليــوم حــبك نسـيناه ** واللي مضى من عمرنا ينتعوّض

وان مد لك غيري من الناس يمناه ** مــدي يمينك واكتبي له مفوّض

واللي يجي يبي الهـوى ما منعناه ** قلبي عسيف وللـرسن ماتـروّض

 

[انا هو انا]

خـايف على قلبي وخـايف عليها

ما فادني خوفي..طحت وتهاوت

 

[انا هو انا]

محدن ضناه الشوق مثلي وصامد ** والشوق ماترحم ولا عندها دم

 

[بقايا جرح]

حسافه حبي كان حسافة وقت ضيعته..حبيب خاين وغدار وكم مليون سامحته..
دامه للوفا نكار....خله يبيع انا بعته..
هجر وغيبه واعذار..وجاهل الحب
وماخنته...

 

[انا هو انا]

اللي يجي في وسط عيني محلّه ** واللي يروح اطلب من الله يهديه

كم واحـدن فـارق ولا شـاف زلّه ** وكم واحـدن واضح علينا تغلّـيه

 

[بقايا جرح]

كتبت الشعر لعيونه ولاجاني..حبيبي الي هجرت الكون ﻷجلله ونساني:067:

 

[انا هو انا]

والله لـــولا خــوفــتي من تغلـــيك
لكـتب كلامـن ما قـريتــيه قـــبلي

ياللاسف .. الحب يحـتاج تكــــتيك
صار الهوى والعشق تقليد واصلي

 

[انا هو انا]

النـاس نامــت تنتظــر طلعــت النــور
تـجــري ورى ارزاق ربــي كـتـبهـــا

وانا اشخبط بالــورق واكتب سطــور
اجني تعب واكسب غضب من سببها

 

[انا هو انا]

بطلـع اشوف امطار حايل ولا انام

بمشي على الشعبان في كل صوبي

 

[انا هو انا]

#حائل

يازينها وقت الـربيع .. يازينها لاجا المطـر

يازينها في كل عام .. وزينها في كل شهر

 

[انا هو انا]

قالـت علامــك ماتكمّــل كلامــك
من شالت الطرحه وانا ماتكلّمت

شفت الجمال وصوبتني سهامك
مالوم نفسي لو سكت وتلعثمت

#انا

 

[انا هو انا]

يا طول الليل من دونك *** ولامـن جـيتني يقصــر

عيــوني تنظـر عيــونك *** على طعم الهوى نسكر

 

[انا هو انا]

ياحـالة العشّـاق حـالة فقـارا
تحـقيقهم لحـلامهم بالتمنّي

مايمـرحــون الليل ولا النهـارا
اشواقهم والجوع كافر وجنّي

 

[انا هو انا]

ياسرع الايام اسرع من فرس جدي
من سرعها صارِ أمسي يشبه لباكر

ياليـت الايــام لاجـا خـلّـي تهــددي
من يقبل ونسفهل يقول لي مسافر

 

[انا هو انا]

اللي يبي طرد الهوى يدفع فلوس
في وقتنـا صـار العشـق بالـدراهم

ماتنفع الهمسـه ولا بيت مـدروس
ولا ينفعـك كثـر الحـكي والتفـاهم

 

[انا هو انا]

ياهل الهوى يامعشر العشّاق

بسأل ســؤالٍ جــا على بالي


القـلــب لامـنـه ولَـه واشتـاق

وشّـو علاجــه يا بعــد حــالي

 

[انا هو انا]

الناس نامت ترتجي طلعت النور
تـجــري ورى ارزاق ربي كتبهـــا

وانا سهير الليل مـرغم و مجبـور
مـر الخيَـال ونـوم عيني سلبهــا

 

[انا هو انا]

لا واهـنـيّـه دالهـن لاهــي .. ولا شقا بالحـب و اوجـاعه

ولا عشق من زينها ناهي .. مـرتاح مايسهـر ولا ساعه

 

[انا هو انا]

....... ليت قلبي ماتمادى بالحفاوه
.................... وﻻ عرفت اللي يقولون بخفاي
................................... وليت حضني باردن مابه دفاوه
............................................. وﻻ حضنت اللي غدرني في قفاي​