خلاقين ياقلب العنا / خلاقين وش ذنبي أنا .. دعوه للمشاركه !

[شـمـر]

قطعه احلى من الثآنيه والله ي دوشّ .. :027:
جميلآت عليك بالعافيه , :067:

مآعندي خبره والله بالرياض بس بسألك ان شاء الله :003:

 

[خيشة نوم]

وش ذا الخلاقين الجميله ، قسم بالله أنتس أحسن وحده بعدي : 151:

عندي لتس مشغل ابن سته وستين كلب لو انتي حماره في الشرح تطلعه لتس مثل الصوره واطلدز بعد مجربته بنت خالتي في شرق الرياض ، واسعارهم معقوله ٨٠٠ وممكن تنكب امتس وقبل الموعد بفتره قليله تقول لتس لا هادا تسئميه :183:

المهم ان خياطتها عليها الكلام ، خن أفضى بس واحاكي الزلابه عن مكانه واعطيتس وصفها

 

[D O S H A]

شمر
عيونتس الحلوة
يكفيني تواجدتس وردتس يا قميلة :027:
دوتس
:067:

خيشة نوم

بعد شرق وهـ يا حبني لتس :027:
هاا للحين ما حاكيتي هالزلابة :157:
يختي عجلي علي ترونن متوهقة وهقه بنت تسلب :155:
دوتس
:067:

 

[خيشة نوم]

8
8

بوصف لتس وعساتس ماتفهمين ياتبن :155:


المشغل في شرق الرياض - حي الروضه تحديداً

وانتي طالعه على طريق الملك عبدالله تعدّي مطعم فرايديز الي على شارع انكاس خليه على يمينتس وامشي سيده الين يجيتس تقاطع على اليسار مدارس الابتكاريه وعلى اليمين ماك لفّي يمين وامشي الين يجيتس البنك الاهلي يمين لفي مع اول لفه وسيده الين يجيتس اول يوتيرن ارجعي معه وتلقين المشغل على اليمين لوحته ورديه اسمه جوان مدري اورجوان مدري براجون :183: المهم ان فيه جيم :183:

ورقم الخياطه بأرسله لتس دايركت وغازليها :152: تراها سوت موقف زباله مع بنت خالتي :183: قالت لها بـ 800 وحطت الفاتوره على 800 ويوم جاء قبل الزواج باسبوع قالت لها لا احسبك تقولين بعد شهر :150: البنت انصدمت وورتها الفاتوره وقالت خلاص اجل بـ 900 والاّ ما اخيطه لتس :157: ووافقت عليها :183:







يالله عاد اجحديني بعدها :183:

 

[خيشة نوم]

كنت كاتبتن شيء بس خفت أسوّف الاحداث :150:

انا حزينه :157:

 

[ريونه]

ودي اوريكم خلاقيني بس مستحيه :006:

بالله احلفن علي >> ترنن اصدق

 

[خيشة نوم]

8
8

وش تستحين منه :183:

والله لتوريّنا < يارب ان ماورتنا وخلتني اصوم 3ايام جعلها ماتنجح ههههههههه

 

[ريونه]

ههههههههههههههههههههههاااي واتسبدي ياخشخش :025: الله يااخذ عدوتس ههههه

اجل اصبرن لييين اصور >> تبون اصور وانا لابستهن :183:

 

[خيشة نوم]

8
8

اذا ودتس تصورين وانتي لابستهم مانقول لا :183:

 

[شـمـر]

هههههههههههههههههههههه لا تكفين مو انتي لابستهم اخاف من كثر زينك يطردوننا من المنتدى ّ :008:
اتحفينا ي ريونه :027:

 

[ريونه]

جيييييت :006:

الحين بس ابي اوريكم ملابس الشتاء والصيف بوقتً لاحق

ترون كل خلاقيني تفصيل مابهن الجاهز >> كله بسبة اسواق حايل ياملا السيل ياحايل :027:

وبعد كلهن وسخات ومتصفطات بس ترون ريحتهن عطر >> :183:


الموهم ندخل بصلب الموضوع

بسم الله وعلى بركة الله

1


اقتبست موديل الجاكيت من هذا

والبلوزة اللي داخل من هذي

&


_________________
2
لبس اخر


اقتبست الموديل من

الاكمام والموديل من اللي على اليمين والسلاسل من اللي عاليسار

______________
3
اخر شي هذا ( جاكيت طويل )


ومع تنسيق ثاني


ترون ماكنت ابي موديل الجاكيت الكركمي هاتس بس الخياط حاس مريروه
كنت ابيه بدون ازرار وكنت مابي المخابي كذا بس عاد اشوى ماطلع ردين بالحيل

*البلوزة المشجرة جاهزه بس حقت اختي مهي لي بس انه عافته
___________

اخيراً
قولو يارب يفتح عندنا زارا واتش اند ام وبيرشكا وووو كل الماركات :008:
وافتك من هالخياطين وقرقرتهم و حتسين عليهم


_________________

شمر وخيشه
عاد صدز صدز تخيلن لو البس واصور :007:>>عاد يازين شكلي انا وعصاقيلي مرتزة :025:


:044:

 

[ريونه]

اخيوووش :027:
وربي ان لبستس قميييييييل وخصوصاً الجزم :027:>> ادري اني ردي متاخر حيييييييييييييييييييل >>مار من رداي
باالله احول لتس فلوس وتشرين لي وترسلينهن لي >> امزح امزح
______________

دوشا
تنورتتس طايحين به الناس حيل
انا عندي تشبه له تايقر ونفس حالتس احبه وما احبه والى الحين مالبسته
وانا من عيد الضحيه شاريته
على كلن تقطعين لبستس بالعافيه :027:​

 

[أمل]

ريووونه يؤؤؤؤؤ تفصيل الله يعينج ياارب

بس الجاااكيت الاوول لونه وشكله روووعه اما الكمووني الكركمي ع قوولتج يمكن ع اللبس حلووو بس ترى اشوووف البناات هاابيين فيه هالاايااام مع رقعه الاكوااع

والله احس انكم معاانااه التفصيييل ماااحبه بتااتاا البته :006:

واذا بتصورين وانتي لاابسه نوو بربلم بس اكتبي ماحلل الشبااب يشوفوون:102::012:

 

[خيشة نوم]

وش ذا الزززين ياريونه :183: قسسسسسسم بالله ياهي تهبل :161:

جازت لي الاولى بالحيييييل مافيها كلام :027: والكموني مع الاوف وايت دمار شامل :161:

ماشاء الله على خياطكم راكزه الخياطه وشغله مرتب وزين , وانتي ذوقتس حلو والله :027:

على كذا لاتبلشين بعمرتس اي موديل يعجبتس في النت سوّيه وافتكيّ , صحّ انّتس بعض الاحيان بتحتاجين بلايز وتتعبين وكذا بس ترا راس مالها حرير والا شيفون ولوزام خياطه وقضينا :183:








أسمعوا يابنات تمايم ولد اخوي ليلة الجمعه وصبغت شعري البارح هكا

نفس اللون بالضبط :183: طلع حلو بس باين اني عبده خخخخخ

أفكر اسوي " تسريحة الدونات :183: " في شعري بس أبصغّرها :183:

مع فستان وردي طويييل وكمّه طويل وفيه سحّاب من ورا ذهبي كبير :183:

هل بيطلع زين والا ملحجه :183:

 

[ريونه]

اقول سوي التسريحه وانتي مغمظه
قسم بالله انه تهبل :027::161:


بالنسبة لـ لون شعرتس :027:
ياهاللون يطير العقل >>خاقتن عليه من قلب :161::027:

ماشاء الله تبارك الله متوقعه الا متأكده انتس تبين تصيرين انتيكه :161::027:

وموديل فوستانتس رااايق ودي بوه هالموديل مار امي وخواتي يقلن حللي هاللي عندتس

جيتي على مودي خشخش :027:

 

[أمل]

خيوووش حلو اللون يهبل يالخبل هذاا اللون يفتح لو انج فحمه يفتح

التسريحه روووعه مع التصغييير عشاان ماتصير اااووفر

وستااايلج روووعه ماشااااء الله عليج واذا تبين راايي اسحبي :025:

 

[الجآدل]

يآلبيه يااابنااااااااااااااااااااااااات
لبااتسن كلتسن يالهذرتسن وحشه

ريونه بري حالي ياجاكيتس الاول ماعليه حتسي لونه يجنن
سملااااه عليتس قمر بتفصيل ولا بجاهز يالبى روحتس ..


خيشه لون الصبغه خطيرر نفسسي اصبغ مثلها بس ماعندي شجااعه
مليت من شعرري اسود اسود اسود نفس الشكل !


على طاري الشوشه
بنات انا شعري اسود وطويل < لااحد يقول ياقدمتس ههههههههه " تقريبا نص ظهري مدرجات
ابي اغير بس ماابي اشطح بالمره
ابي صبغه مجربه وحلوه وماابيها فاتحه


اآمطخ :027:​

 

[وسم]

وااااو صراحه حلوو ولوونه جوووناااان افكر اسرق الفكره :161:

ماشاء الله على خياطكم ضابط الموديل حيل

لون شعرك خيوش حلوو والتسريحه عجبتني يمقن اقلدتس يافتاة :154: اممم بس كيرلي مع هاللون بيطلع شي شي :183:

وفكرة الفستان الوردي خطيييره :161: تقريبا عندي نفس الموديل ابو سحاب طويل وذهبي بس لونه كحلي وقصير :152:
لبى قلبكن يافتيات موضوعكن رائع :027:

 

[ريونه]

امل :027:
يامرحبا
والله اللي حدن على التفصيل ردى اسواقنا ومحلاتنا والسفرات ماهي على كيفي
ورقعة الاكواع اشوف البنات طايحين به بس ماش ماجازت هالحركه


اميره :027:
ياهلا والله بالقطوع
الزين من عيونتس يابعد تسبدي :027:

وسم :027:
اهلن اهلن
ابد حلالتس وبعد تسان تبين الجاكيت بكبروه ارسلوه لتس ماعندي مانع

 

[ريونه]

على طاري الشوشه
بنات انا شعري اسود وطويل < لااحد يقول ياقدمتس ههههههههه " تقريبا نص ظهري مدرجات
ابي اغير بس ماابي اشطح بالمره
ابي صبغه مجربه وحلوه وماابيها فاتحه

ليه تصبغين يااميره حسافه الشعر الاسود يجنن