ما الجديد
مرحبا بك زائرنا الكريم في منتديات حايلنا. اذا كانت هذه زيارتك اﻻولى فنتشرف بانضمامك لنا عبر الضغط على زر التسجيل وان كنت احد كوكبة اعضائنا فلا تنسى تسجيل الدخول

بــيت شعــر اعجبــني ..

ياللي مدحت الذيب لاتمدح الذيب = الذيب في تالي زمانه تغير اللي قضى عمره برووس المراقيب=اليوم من بعض الثعالب يسير واللي من اول مطمعه شمخ النيب= اليوم لاشاف...

ياللي مدحت الذيب لاتمدح الذيب = الذيب في تالي زمانه تغير

اللي قضى عمره برووس المراقيب=اليوم من بعض الثعالب يسير

واللي من اول مطمعه شمخ النيب= اليوم لاشاف الدجاجه تطير​
 
الحب مقسوم بين الحلو والمالح
لكن هنا لو نويت تجرّبه تندم !

نزعل ونعتب ونتقابل ونتصالح
هذا هو الحب بس الناس ماتفهم ..!​
 
تـرا مايطعـن كفـوف البيـاض إلا حماقتنـا
............. ولايدمـح خطـانـا لاتماديـنـا تلاقِيـنـا !!
نزف وجه السحاب الي كشف عـورة علاقتنـا
............. نبت حزن السنيـن بدربنـا يـومٍ تلاقينـا !!
تحمّلنـا علـى شـان المحبـه فـوق طاقتنـا
............. ومدري وش بقى أصلاً بعد هـذا ويشقينـا !!
مو أحسن لو بقينا بس على [ مونة ] صداقتنـا
............. مو أحسن لو بقينا نشرب اللحظه وتسقينـا ... ​
​
 
لي متى وسنين عمري ترتجيك
لي متى والشوق يركض بي وراك

ليه اجدد وعد ضيعته يديك
مايبرر حبي الطاغي خطاك

اعذريني..ما منع قلبي يجيك
غير خوفي تصدميني في هواك
 
تسرقني اللهفه دقايق مشاهدك
.................. واسرق دقايق لهفتي .. لأجل اشوفك

والشمس من تشرق سناها يعاندك
.................. بس الله العالم ... تطوفه وصوفك

فيك الحلا يا باشة الغيد ساعدك
.................. لله ما أجمل ... جلستك مع وقوفك

قد ٍ روى بـ الزين والخصر شاهدك
.................. محد ٍ عرف زينك ونفسه تعوفك

مارد طغى بالقلب ياااااا حلوووو ماردك
.................. هذااا الحلا من كل قلبه يحووفك

كحل ٍ زهى بالعييييييين والرمش عاضدك
.................. وجدايل ٍ شقر ٍ تغطى كتوووفك

قممممة دلع .. لين الدلع صار عابدك
.................. والنهد رمان ٍ جذورة بـ جوفك
 
خنقني كف حزني وأرتفع صمتي امام /.... الغير............
............ وسال إمن العيون /. أسراب جرح وآه ماتنقاس

صحيح إني أجوعك بس طبعي أكره /.... التبذير............
............ تعال /.. وهات لي كاسة حنين وكسرتين انفاس

عشـاني أوقد شموع التلاقي وإخمد /... التأخير............
............ حزينه ساعتي /.. نامت على كوع الرجا والياس
*
 
ياشـاعـرٍ يـذبـل مـــع الـوقــت عـمـــــره
شآبـت عيـونـه فــي دهالـيـز الاســــرار

يـامـنـتـدى مـايـقـبــر الــوقـــت ذكـــــره
في وسط قلبي باني اقصـــور واســـوار
 

من باب ( اذا ماطاعك الوقت طيعه )
كم طيّبٍ حده زمانه على الهون .. ؟
يا رب لاضاقت علي الوسيعه ..
لاتحدني للي لـِـ ضيقي يتوقون .. !

:067:​
 
كثر المواصل بالهوى ماهو بزين
....................................... ودك بخلك بين مده ومده

لان البني ادم ماترك طبعه الشين
.............................. لاحب له شي وشبع منه..هده!

لكن لا منه جاك من حين ليا حين
....................................... قدرت جياته وقدرت صده
 
يانية النسيان موتي داخلي غيظ وظما
عليك من حبي لها في داخي موت وسياج

حبيبتي نجمه تغنت في ملامحها السما
حبيبتي صرخه على الوقت الرمادي واحتجاج

حبيبتي جمله عتب مزمن على شفة عمي
حبيبتي شوكى غصون الورد لأيام العجاج

حبيبتي غصن اخضر .. لين على دربي نما
لو كسرتني في كفوف الوقت تكسير الزجاج

لعيونها كل الجروح استعذبت نزف الدما
ولعيونها جفن السهر صارت له الدمعه مزاج

أسترجع الماضي واناديها تعالي لى كما
غيثٍ يبشر بالحيا سيله وسيعات الفجاج


نايف صقر
 
ظلمني الزمان اللي جبرني على فرقـاه
صواديـف بقعـا شرهـا مـا تعدانـي

صدوف الزمان وطول صبرٍ لحقت اقصاه
حدتني على مبـدا الطويلـه مسيانـي

أنا ما هقيت يسوي الوقت مـا سـواه
وخان الزمان وعـادة الوقـت خوانـي

ويا حي من هـذي ديـاره وذا مربـاه
ذواري هبوب النود من فوقهـا بانـي

أنا يوم شفـت البيـت متهـدمٍ مبنـاه
تذكرت زولٍ كان فـي البيـت سكانـي​
 
غديت انا .. وانتي .. طفلة وطفل ..
تبكين فـ وداعي ..
وانا كني مفارق أهل ..
وبيتٍ صغير .. ودربٍ كهل ..

ياللي على خدك كحل .. لوتمسحيه
وتتبسمي .. ما للبكا داعي
..
 
كم واحـــد يـــوم ضاقت دنيـته جـيته

اهـــديته العمـــر كــله يــــوم ناداني


وفي ساعة الضيق كم واحد تحريته

وكم صاحب قلت له تكفي ولا جاني
 
/
حبيبتي .. مامات حلم المواعيد
.................. للحين صبحك .. مارحل من حياتي

اتنفسك .. بين الورق .. لوني بعيد
................... كم تجمعيني .. من زوايا شتاتي

ياما تمنيتك معي .. إيــد في إيــد
.................... بس الزمن .. عيا علي باامنياتي
 
لولا غلاك اللي ذبحني وأنـا حـي ؟
............... والله ما أعوّد بعد ماقفيـت , يمـك !
الشوق يمـك قادنـي قـود بيّـدي .
............... والعذر أبا أسلم على أبوك , وأمك !
جيتك ورحت . وحالتي منك , هي هي
............... لا والله اللي صرت , ما عاد أهمـك!​
 
لا تجيني ..
والله لو مديت يدكـ للمصافح .. لأصافح ..
ثم اتبرا من يديني ...
'' ما اكرهكـ ..
بس إنت نومت الألم أول ماجيتني ...
و الحين بغيبتكـ صحيتهـ فيني .

:067:
​
 
خِل الْكَلَام الْلِّي مِن الْكَذِب مَصْنُوع
وَإِخِذ الْكَلَام الَلـي تـذَوْق إِنْتِفَاعـه

مّاكِل هَرَج يَمُر " اذُنَيْك " مَسْمُوع
ارْبَع ارُبَاع الْلَّي يَمـرّك إِشَاعـه

لَو الْحَكِي بِفُلُوس او شِيْك مَدْفُوع
يَمْدَيْك ضَامَي لـ الْكَلَام وَسَمَاعـه

يَاشِيْنَهَا لاجاتِك " هُمُوْمِك " جُمُوْع
وَلَاعَاد عِنْدَك لـ الْمُوَاجِه شَجَاعَه

وَيَاشِيْنْهَا لَو كَان لَك حَق مُشـرَوْع
وَاقْرَبِهِم لـ قَلْبِك سَعَى فِي ضَيَاعـه

هَذَا الْكَلَام الْلَّي مِن الْقَلْب .. مَطْبُوْع
إِقْرَا كَلَام الْقَلْب وَشـوَف إِنْطِبَاعـه
 
/
الليله لـيله مـن لــيالي الـعـمر
........................... واحـلى ليالي الـعمر بالمره

قـالت غيابك و انتظـارك جـمر
........................... و ابطت تعــاتبني و تتشره

قلت ابشري والرمش يا مر أمر
........................... يــالــول وجــداني و يــا دره

و اللي جمعنا يا انتظار الـعمر
........................... مـا اعـود هـالـفـرقـا ولا مـره
:027:
 
إجروحنا .. ماهيب محتاجه .. لـ/ شّـرح
( والأدمي ) .. ما يفضحه غير شّرحـه .!!



،.،

حتى .. ( ضماد الجرح ) . / ما يسّتر الجّرح
تلقى بياض الشاش .. ( نسخه ) .. لجّرحـه
*
 
أحيان .. نندم .. من كلامٍ .. نقوله .. !
وأحيان .. نندم .. [ ليه .. نسكت .. عن القول ]

الله يعين الحرف .. لحظة .. هطوله .. !
أنا .. أشهد .. أنه .. يكشف .. عقول .. وعقول
 
يجب تسجيل الدخول أو التسجيل كي تتمكن من الرد هنا.
عودة
أعلى