الحمامة
[poem=font="arabic transparent,6, green,normal,normal" bkcolor="traditional arabic" bkimage="backgrounds/4.gif" border="none,4,gray" type=2 line=0 align=center use=sp
num="0,black""]
حمامةٍ غردت تشكي مواجعها=تتل قلب المولع من توجعها
دارت عليها الليالي عقب الافراحي=ما باقي الا لها الذكرى تراجعها
ايام فيها الهنا مرتع امانيها=ما بين خلانها تحلا طبايعها
هذا خليل تناجي له وتشكي له=وهذا صديقٍ .. اليا ضاقت يوسعها
وهذا رفيقٍ تسولف له وتضحك له=وهذاك شاعر قوافي دوم يبدعها
كانت تشوف الغلا قمه .. مثل اعلى=له جنة بالغلا ترعى مراتعها
تبدلت حالها واهتز وجدانه=غابت عن العين وانكشفت براقعها
تنثر اسى حزنها لوعة بثر لوعة=تبكي وتشكي جداها في مدامعها
ضاع الامل في كيانه وانتهت فرحة=الشمس غابت ولا بين مطالعها
واليوم جرحٍ نزف ما عاد به حيله=الا ملام الرفاقة في مرابعها
حمامتي صادق التعبير قولي لي=هو يستريح الذي للنفس طاوعها؟
ما عاش منهو تلاعب في مشاعرنا=الحب صدق المشاعر .. لا تصنعها
وان كان لك بالهوى غلطة فعديها=ادري من الصعب .. للغلطة تراجعها
ازكى سلامي وتقديري واشواقي=تحمل شذا الفل والكادي يودعها [/poem]
وسـلامتكم
