انا هو انا
ماجد الشمري
قالـت سـلام وقـلـت حــيّ السـلامـي
قالت وِصَلْت وقلـت حـي المواصيـل
قالـت وش المطلـوب قـلـت اللثـامـي
زتّـيـه عــن ثـغـرٍ مورّيـنـي الـويــل
شيليـه عــن جـمـرٍ يثـيـر اهتمـامـي
وجمرة شفاتك تتعـب القلـب بالحيـل
بـاقــول مـاقـالـه رشـيــد الــزلامــي
بعض الغـلا يفنـي قلـوب الرجاجيـل
يا للي خذيت الحسن نجدي وشامـي
يامملـكـة روعـــه ويافـتـنـة الـجـيـل
قالت وش اسمي قلت قصـة غرامـي
واسمك عذاب،جروح،حيره،غرابيل
لك في ضميـر المبتلـي عشراسامـي
وفـي كـل يـوم اجـدّد العشـر وازيـل
قالـت مقامـي قـلـت باعـلـى مقـامـي
أقــدّرِك تقـديـراهـل مـصــر للـنـيـل
عن حب غيرك قلب مغليك صا مي
ومـن ينزلـه بَعْـدِكْ نهاريـن ويشـيـل
لاغبـت عـن عيـنـي تـزايـد هيـامـي
واسهر رفيقي بالسهـر نجمـة سهيـل
ولابـان زولــك يــا ظـبّـي العـدامـي
جتني مـن كفـوف السعـاده مراسيـل
حبّـك جـرى بيـن اللحـم والعظـامـي
الصـدر وادي والـغـلا داخـلـه سـيـل
قالت بَعَدْ ، قلـت البـدر فـي ظلامـي
لــولاك يـاشـيـن السـنـيـن المقـابـيـل
قـالـت بعد،قـلـت العـتـب والمـلامـي
ماتسمعـه منّـي علـى العـدل والمـيـل
أسقيك من كـف الغـلا وانـت ظامـي
واعطيـك صـدق الحـب ماهوبتمثيـل
قـالـت بَعَـدْ،زدنـي بـعـذب الكـلامـي
قلت الغلايصعب علـى القـال والقيـل
خــوذي غلاقلـبـي ولـمّـي حـطـامـي
وضمّـي خفوقـي بالرجـا والتساهيـل
قالـت حبيـبـي قـلـت والقـلـب دامــي
يابنـت شفـت بحـبّـك انـتـي تهـاويـل
قالـت تعبـت مـن السهـر قلـت نامـي
علـى ذراعـي وارقـدي باقـي اللـيـل
قالـت بـردت وقلـت شبّـي عظـامـي
خـلّـي سنـاهـا مـثـل نــور القـنـاديـل
ونامت وانـا خلّصـت ميمـي ولامـي
قـصـيـدةٍ غــنــت لـعـيـنـه مــواويــل
هـذي خلاصـة ليلـتـي مــع مـرامـي
ومـرام هـي طـب القلـوب المغالـيـل
لسعود المجلاد
