غادة الاطلال

غادة الاطلال

لم الشتات اللى بدا بي لمه=واجمع غصوني بالهوى واربطها
متنثرٍ كني على اعلى قمه=روحي تبي له واحد يزبطها
يامن يسوم اللي تغذى دمه=بشريانه التاجي معه واورطها
ياقلب ما تلقى لك احد تهمه=يمكن تكون الضايعة .. يلقطها
يا الوردة اللي توني مشتمه=ياريح عود فوق جمر . اسعطها
شلني ترا محتاج منّك ضمه=تسقي زروعٍ بالحشا صافطها
وتزيل عسراتٍ علي ملتمه=اشيلها من خافقي واقرطها
اتوه في صوتٍ يجي والمه=واسرح واعيش بفرحتي واغبطها
تسري بنا اطراف الهنا من يمه=واقرا بصفحات الفكر واشخطها
عسى الليالي ما تجيب مطمه=وتبطل اماني حبنا وخططها
يا غين الف ودال والتا تمه=هذي بقايا الطين عش باوسطها
بح بالغلا وان كان ودك سمه=لي الشرف وان كان لا .. فاسقطها
بكتب لقلبي من عذابي همه=وابدع قوافي للغلا وافرطها
وابكي على جرحٍ سقاني سمه=اما حصل للروح من يقشطها
مني تحية والثنا ملتمه=من خافقي يا ملهمي ماعطها
سو ما تريد وشد منك الهمه=هذي حروفي كلها بنقطها