القوس

من القصائد القديمة

يا جر حالي جر قوس الربابه=جريتها يالترف عزي لحالي
اطنب طنيب الجايع من الذيابه=بات القوى والجوع بسود الليالي
عليك ياللي كل زينٍ زها به=وراع الهوى عن صاحبه ما يسالي
وعليك قلبي كل شيٍ لفابه=هموم وهواجيسٍ عراضٍ طوالي
البارحة بالنوم كل اهتنا به=وانا بعيني يالغضي ما صفالي
ودمعي على الخدين كنه سحابه=هملولها يسكب بعال الجبالي
في حبكم يالزين الارواح ذابه=ارحم رحمك اللي رفيعٍ وعالي
راع الهوى بالحب ضيع شبابه=كله سبب ريمٍ ربا بالشمالي
لولا الحيا لصعد بعالي هضابه=وانادي اللي بالهوى راس مالي
ياونتي ونت كثير عيابه=حار وتحرول مامشى بالعدالي
من واهج بالكبد زاد التهابه=عليك ياللي صورتك في خيالي
لا واضلوعي عذبن كثر مابه=من حب خل بعدته الليالي
ولا واعذاب اللي تزايد عذابه=من جادل حاز الحلا والجمالي

وســــــلامتكم