قهر شيخ تمنى الموت ولايقوى حفر قبره

قهر شيخ تمنى الموت ولايقوى حفر قبره

[poem=font=",6,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""] كتبتك ياقصيده .. من ذهول ٍ للفكر يبري=كتبتك .. من حمم غيض ٍ يذوّب قاسي الصخره
كتبتك او كتبتيني .. او الموقف نخى شعري=وجيته فازع ٍ .. ماهمني تمجيده وشكره
عسى راسي يجدد تربته .. ويموت به قهري=ويصبح خالي ٍ من كل هوجاس ٍ فرض قهره
قهر ثاير .. على حكم الصبر .. متحدي ٍ صبري=قهر شيخ ٍ .. تمنى الموت .. ولايقوى حفر قبره
قهر دمع ٍ .. لياشاف القهر متوسد ٍ .. صدري=هطل ديمه .. ولكن الطنا .. متوهج ٍ جمره
قهر طفل ٍ .. بحضن امه .. غفى من ليلته بدري=صحى في وادي ٍ موحش .. تلفت مالقى حجره
قهر .. متقصد ٍ صبري .. وانا متقلد ٍ عذري=غزاني .. في جيوش اللوم .. وطاح العذر في اسره
انا ماهمني عذري انا همي .. وقع قدري=من اعيون الصبر .. من عقب ماني كاسب ٍ قدره
وسمت اسمي .. على خمسة وجوه ٍ ماحد ٍ يدري=وقام المتحف الحصري .. وانا ناوي على كسره
لعل العذر يتحرر .. ويصبح في دمي يجري=وتنصفني عيون الصبر .. وتلقاني على خبره
يقين ٍ قد تعلمته بصغري .. شلته لكبري=مدام ان الكسر من حسن ظني .. فالعِبر جبره
يقين ٍ قد تعلمته بكبري ..ماهو بصغري=اذا تتكرر العثره .. فلالي حق لو اشره
حكى قلبي عن الطهر .. وتفشي دائنا العصري=الا تبا ً لحقدك ياقلوب ٍ .. ماتبي طهره
تحددني .. حدود المرجله وانسى بها غدري=شهامه واحترام ٍ للشجر .. لو خابت البذره
الا ياقلبي .. اسمع كلمتي من قبل مانسري=وعممها .. على كل القلوب الطاهره بكره
حرام ان الهموم الطاحنه .. تسعابك وتفري=مدام ان السبايب .. من حقير ٍ فاز بالنكره
كتبتك ياقصيده من حروف ٍ .. صاغها فكري=وانا للموقف اتشكر .. مدامي فزت بالعِبره[/poem]

وسلامة من تااابع
بوح وجداني