بنآت .. اجتمآع للفائدة :)

الجآدل · 13/01/26

صبآح الورد لتسن كلتسن ..
شخبآركم ،

بنات انا سويت هالموضوع عشآن نستفيد كليآتنا .. ونتجمع ونسسولف ونستفيد من خبرات بعض
طبعاً هالموضوع ماهو مخصص للأزياء والموضة لااااااااا
نبي أشياء للبشره والشعر والجسم وخلطآت وهيك ..

بما أني رجعت اهتم حبيت أفيدكن بحاجه للشوشه
انا شعري متعود ع الزيوت وكل مآ قطعتها طاح وضعف !! يقهههههررر

والحين رجعت لزيت جممممممميل يابنآت زيت (دآبر آملا) الاخضر
من جد روعه تكثيف وطول مؤ لمعآن برريق .. بس عيبه ريحته خاااااااايسه

انا كل مآتروشت لازم اتبخر واحط خمريآت ..
وفيه برضو خلطه للشعر استعملها دايمآ زبآدي ، مايونيز ، بيآض البيض بس الابيض الصفراء لاتحطيهآ
وأتركيهآ ع شعرك سآعه ونصف فقط ..

والزيت ياجمممميلآت لاتحطوه ع فروة الراس حطي ع الشعر بس
قد سمعت هآلنصيحه من دكتور .. وبرضو لايطول ع شعوركم يعني من 4 ل 6 سآعات

وبسسس .. أحبكن

عنود · 13/01/26

الدخيل للعود مسوي تخفيضات ٥٠٪

عندهم عود معتق التوله بعد الخصم ٨٠٠ بس تستاهل
وعندهم عود دخون يجنن الاوفيه ب٦٠٠ امكن
وعندهم عطر اسمه ميلاد ٧٠ يمكن
وعندهم بخاخ مفارش خوقافي يخليك تنامين سعيده هع
وعندهم اشياء روعه توني جيت من عندهم وطرشت صرافتي بس اشياء روووعه

المهم صح بقولكم في معجون اسنان روعه جربته جديد لابتسامه خوقاقيه اسمه email diamant

في شي بعد للوجه من نيتروجينا شريته من لندن بس اكييد في هنا دورو عليه هو ٢ في ١ قناع وغسول

اسمه visibly clear 2&1

تقدرين تستخدمينه غسول عالوجه الجاف لمدة ٥ دقايق وبعدها اشطفيه وتقدرين تستخدمينه غسول عادي مو رغوي مره يعني ماينشف الوجه ولا يضر

تحمست بس قلت اكتب قبل انسى

ملكة الذوق · 13/01/26

يعطيكِن العافيه

ماقصرتن :067:

ريونه · 13/01/26

ياهلا ياهلا بالزقرتات :027:
يملا العافية الصافيه يااميره :027::027:

لي عودة ان شاء الله باشيائات كثيييرات

الجـوهـره · 13/01/26

يعطيك العافيه يالجادل ..
فعلا الموضوع جاء بوقته ولي عوده مع خلطات وحاجات حلوه :006:

~

أمل · 13/01/27

اللي عندهاا شي للعرووس تسدحه :006:

واللي جربت التسمير >برونزااج < تقول رايهاا وشنوو نووعه

ابي يستمر فتره شهرين :002:

ويعطيكن ربي العاااافيه

الجآدل · 13/01/27

امل عاااد انتي عروس الحين ههههههههههههههههههههه
لازم اهتمآم
فيه كريم تفتيح للاندر وير مرره حلو وكثير يمدحونه
هو ابيض وفيه خط عريض وردي اسمه sb
وبالنسبه للصنفره .. انا انسانه لازم استخدم صنفره تعودت عليها
احسن صنفرتين على وجه العالم واكثرر ثنتين ضبطو معي
صنفرة كآب خططيره .. وبرضو صنفره ستيفز بالمشمش
وزيت جنين القمح اللي عند الصيدليآت فيه ثنين واحد ب 45 والثآني ب 55
الشركات تختلف بس الافضل واللي نتايجه فضيعه هو ب 55
وربي احسن من الخلطات والقرف احطه مرتين باليوم ع وجهي ..

وفيه برضو شيء بسيط وجمممميل ويشد الوجه ويفتح ويعطي نظاره
موية ورد + خيآر اخلطيهم بالخلاط وجيبي زي العلب بلاستك صغار وصبي فيهم وزعيه
وحطيه بالفريزر كل يوم استخدمي علبه قبل النوم مسحي بها وجهك ورقبتك من جد بنات انا جربتها وربي تجنن

ووووبس

عنود · 13/01/27

بالنسبه للتان < البرنزاج

في ماركت ميك اب خاصه باللون البرنزي اسمها helenarubinstein جداً رائعه

واذا تبين تان يطول مانصحك الا بالبخاخات الموجودة بسيفورا

لو تبين يطول ولون حلو احسن روحي بالشمس وادهني جسمك بواحده من هالخلطات

١/ بيره توت
٢/ نفس خلطة المعسل " تفاحتين" المجرب تدهني فيها ساعه بالشمس ويطلع لون روعه
٣/ في خلصه تحطين حنى مع مويه ومدري وش معه نسيتها بس مويت الحنى تدهني فيها

< لو يقولون حطي اي شي عشان يعطي لون حلو للتان ممكن اسويه

ريونه · 13/01/28

صحيح اميرة زيت جنين القمح ممتاز و يعالج الهالات السوداء بعد
الاصلي والزين متوفر بوادي النحل جربتوه مبطي قبل زواج اختي رووووعه
__________

كريم فيسكورت (ابو اسد) هذا مادري ويني عنه كل هالوقت
بشرتي حقييره مركبة وحساسه ماينفع به شيء منطقة جافة منطقة دهنية ومنطقة عاديه
جربتوه بس كيذا روووووعه اقل مايقال عنه وخصوصاً بعد الشيل

الجـوهـره · 13/01/29

؛

انا ما اأيد كثر الخلطات والحوسه :155:
بس مره استعملت خلطه وصراحه فتحت بشرتي حييل واضح ماطولت عليه لاني خفت اكثره مواد كيميائيه :002:
ونفس الوقت اول ماتحطينه تحسين حراره بالبشره :008:>> مدري كذا باقي الخلطات او بس هذي >> اول مره تستعمل خلطه هههههههههههه
الكريمات هي ,

كريم ريتين اي (مقشر للبشره)
كريم يلكوم (يمنع التهاب الجلد و يفتح البشرة)
كريم الدوكين فور ( يوحد لون البشره )
كريم كيلي الاصلي (تفتيح لون البشره)
كريم افالون ( تفتيح وتبييض البشره )

انا كنت احطها في الليل واغسلها في الصباح بصابونه الغار يعني اخليها على الاقل 5 ساعات ...ان شاء الله الكل يستفيد

:067:

الجآدل · 13/01/30

صابونة الغار تجنن بعد اذكر استخدمتها فتره ..
والبابايا اللي فيها حبة سوداء جممميله بعد

طيب بنات بسالكم عن الشعر ابي لون حلو
مايكون فاتح مره ولا هو غامق ومايوضح اني صابغته
ابي الوان حلوه ومجرباتها

عنود · 13/01/30

الرمادي علئ زيتي يجنننن

شـمـر · 13/01/30

انا صبغت اشقر رمادي حلو بس مايمديك تحطين حنا لان بيقلب شعرك ع برتقالي هههههههههههههههه
حلو البني الغامق او الافتح منه بدرجه عشان يبين طبيعي :027:

لحد يحاكيني! · 13/02/02

عوآفي اميره ..
اول كنت مجنوووونة خلطات وكل ذره بجسمي اسويلها خلطه هههههههههههه بس من تالي كني استسلمت ورضيت بشكلي هههههههههههه
بالنسبه للتان يا اموله ، جربت حاجه فيها حنا بس ما طولت ايام ورجع لوني الاول ، بعدين جربت حاجه ثانيه ومره أعجبتني بس جلست اقل من شهرين ...
اذا تبينها علميني أدورها لك كاتبتها في ورقه ومدري وين حطيتها :025:

عندي خلطه للشعر اتذكر نتائجها كانت مبهره بس نسيتها:025:
المهم فيها زيت زيتون وجرجير ، المبهر ف الخلطه هو الجرير فأتوقع عادي لو خلطتي لك ٣ زيوت من اللي ناسبت لشعرك مع حزمة جرجير ف الخلاط وخزنتيها في علبه في الثلاجه طبعاً عشان ما تتعفن ودهنتي فيها شعرك ...

أمل · 13/02/04

جدووول ماابي تفتتيح ابي تاان ابي سمااار

جربت بالصالون بس حده اسبوع ويرووح مايطوول

عنوود اذا تقصدين البخاخ اللي عليه صورة سيقان بسيفوراا جربته بس مايطووول

ابي تاان يطول شهر كاامل يعني شهر العسل كااامل

بجرب خلطااتج بس الله يستر ان شااء الله تفيدني

بس الحنااا مااحبه اكرهه

جدوول انا بعد ابي شعري يطوول المشكله توي قااصته وتحسفت لانه مايحب القصير :002:

لحد يحاكيني اسدحي اللي عندج بس بدوون حناا وخلطه الشعر اسدحيهاا

الجآدل · 13/02/04

آمل فيه زي الجهاز يبيعونه مندوبات في الاقلاع للتآن .. ادخلي شوفيه
استخدمي دابر املا يطول الشعر ويعطيه بريق جمممميل ،

الجآدل · 13/02/08

بنآت ، الفزعه
مين جربت آلة برآون الورديه
؟

يعني استبدلتها بالحلاوه ،؟

واللي سآفرت لااوروبآ قريب برضو ابيها بكلمة رآس وفزعه

ريونه · 13/02/21

انا جربتها
حلوه تغني عن الحلاوه بس توووجع
بس ترى الحلاوه افضل من ناحية انه تشيل الجلد الميت

عهود · 13/02/24

يممملا العافيه كلكنَ :027:

صادقه توجع هههه الحلاوه احسن اككيد

عنود · 13/02/26

بلا حلاوه بلا براون

انا عن تجربه انصحكم بليز ازاله الشعر لي ثلاث سنين لاحلاوه ولا براون وكمان مايطلع شعر نضااافه وراحه

اميره امري شبغيتي اما قريب رحت يورب

بنآت .. اجتمآع للفائدة :)

صبآح الورد لتسن كلتسن .. شخبآركم ، بنات انا سويت هالموضوع عشآن نستفيد كليآتنا .. ونتجمع ونسسولف ونستفيد من خبرات بعض طبعاً هالموضوع ماهو مخصص...

آميره

be or not to be

Member

Member

Member

Member

آميره

be or not to be

Member

Member

آميره

be or not to be

Moderator

عضو حايلنا

Member

آميره

آميره

Member

إْنت إيه ..

be or not to be