الحرفين

قصيدة اشكي فيها مافعلته الكادي بحائل كافيه قبل ان تقوم باحتلاله

اخر الحرفين بالمنتدى سادي=من يشاركبه على عرضه وطوله
صار كل من خواطرة يرتادي=لين بين فيه خبله ومهبوله
به لقافة من يسمونه ( الكادي )=دايم قدامنا تخطرف ارجوله
من يخبر ( بوح ) يصدح بالانشادي=لين تبقى خوخة الراس مقبولة
يا مدير ( هو انا ) سيد النادي=ياسراج المنتدى والذي حوله
( ماستر ) اللي ماسمع كل نقادي=قايد المركب اليا شد مرحوله
يا ( فهد ) خل الغثا عننا غادي=والسعادة لو تركناه وشوله
قل ( للاصهب ) ذيبك اليوم ورادي=اطلقة لعلنا نشهد افعوله
وين صوت ( الناي ) عن كل نشادي=نسمعه وتهل الاعيان هملوله
وين ( ابو عزوز ) عن كل قصادي=يرتقي بالشعر نظمه ومنقوله
من يشوف ( محمد ) يخبرة عادي=عن هموم داخل القلب مشيوله
يا شمال فيه ( ريان ) قعادي=هب نسناس من الطيب محموله
شدني ( يابو طلال ) الندا النادي=من لوهيب على الكبد مملوله
وصلو ( بيت القصيد ) اجمل انشادي=اشتكي له من سطا القلب بفعوله
( يا شجون الليل ) يا فرحة الوادي=يا لبا مليون .. قلبي توصوله
( ناعمة ) دايم من الخوف تزدادي=ليه كل الخوف من شايل طبوله
( يالميس ) الشوق مثل القمر بادي=له تحيه بين الاضلاع محموله
له تحية يا ( سلام يا ) وتزدادي=من خفوق صافي الشوق مرسوله
من ( دفن قلبه ) بسجات وسهادي=بيننا مثل القمر نعشق طلوله
( صعبة انساها ) لها الود وقادي=يا شذا ورده وعطره ومعموله
( قسوة الحرمان ) .. للجرح تنعادي=يا سحاب هل بالود هملوله
ولجميع اصحاب كافيهنا النادي=دون ذكر اسما على الخير مجبولة
احكمو بيني وبين اختنا الكادي=حكمكم نرضاه قوله ومنقوله

وســــــلامتكم

وهذا رد بوح على قصيدة الحرفين

ارعدي يامزنة القاف رعادي=وابرقي برق ٍ يفزز هل الطوله
امطري من قدح راسي تودادي=للكريم اللي قوافيه مفتوله
وافي الخوه وشيخ ٍ من اسيادي=والصعايب عند كفيه محلوله
ياهلابك ياهلا يابن الاجوادي=ياهلابك عد مالبيت حجوله
اتقدم بالمثايل من فوادي=بسم ربع ٍ قالو الشيخ فزوله
تستحق امن القوافي تفرادي=واسمك اللي للشيم صار مدلوله
اخر الحرفين ثاير به زنادي=اتحرى من يجاوبني ابقوله
مانعادي جاهل ٍ دايم انهادي=وان طنينا فالمحاديب مسلوله
بوح وجداني يتل التوجادي=والصدى بارواحكم تصهل اخيوله
ادري ان الحب للروح هجادي=مانلوم اللي بالاشعار غنوله
اللقا ميلاد والهجر جلادي=والسهر قبر ٍ به احلام مقتوله
والزمن راوي وبالجرح الاسنادي=والعمر ياما به اسرار مقفوله
والغلا دايم للآمل مدادي=يعتذر للحاضر ويكسب الجوله
ينتظر بكرا ويصفق بالايادي=لهفة ٍ من شدته طاح سعبوله
وان لفا يلفي بتوكيد الابعادي=لاتلاقي ..والمقادير مقبوله
مايفيد الجرح تكميد كمادي=والتناسي بنج مادام مفعوله
راسي اللي مالفا عينه رقادي=شرع البيبان لطيوف شدوله
يبتديهم بالتنشاد ويدادي=من حبيبه ياترى ويش جابوله
ياعساه اعتق خفوق ٍ معه بادي=بشرو راسي والافراج زفوله
قالو ان كانك تبي درب الاسعادي=لاتفكر يعتق الروح بسهوله
قلبك اللي تنشده ماله ايجادي=مات مبطي والبقا فيك يازوله
قلت انا مات ! ومعه صار ميلادي=اعشقه باللي بقابي وقولوله
شفت ياشيخ القصايد ومسنادي=كيف قافك طيّح اهداب مبلوله

وســــــلامتكم