انا والمحبره

انا والمحبره

دقيت باب المحبره .. وانفتح لي=وابديت مطلوبي .. قبل صكت الباب
قلت السلام .. ان كان صدرك وسع لي=ماجيتك الا ناويٍ .. فهم الاسباب
قالت : هلا مليون .. قرّب .. وقلي=يامرحبا بالشاعر .. وكل .. ماجاب
قلت : العتب مرفوع لو زاد جهلي؟=قالت : محال اني ابرميك .. بعتاب
قلت الصواب اخطاه من كان قبلي!=قالت : كثير .. وبعضهم شاب ماتاب
قلت الضمير ان لامني .. ماصفح لي!=قالت : حوارٍ داخلي .. ماله اعراب
قلت :البعيد اللي بقلبه .. هرب لي=قالت : بعيدٍ لكن الحب .. غلاب
قلت : العنود .. اللي جفلها يهبلي=قالت : معاها حق .. سلاّبة الباب
قلت : الغلا .. لامن نسيته رجعلي=قالت : عهود الروح .. من خانها خاب
قلت : الوفا .. ماينفعه طول حبلي=قالت : وصالك .. ماتناسوه الاحباب
قلت : الهوى .. ذباح والذيب مبلي=قالت : خشيرك بالهوى .. منك منصاب
قلت : البلا .. بالروح نيران تصلي=قالت : طبيعي .. شف مدامعك تنساب

وسلامة من تااابع
بوح وجداني