هواجيسي

هواجيسي

بما ان السهر نـوخ ركابـه=على جفن الشقاوي بالتجنـي
فلاني ساهرٍ لجـل الكآبـه=ولاني طايعه لـو يمتحنـي
تعالي ياطواريـق الربابـه=تعالـي عللينـي لاتمـنـي
لحونك هي لساني بالنيابـه=وقيفاني احاسيـس التبنـي
قصيدي ساطيٍ به ماسطابـه=قصيدي مع لحونك يرجهني
على خد السهر وشلون اجابه=معاكيف الهواجيس ان لفنـي
هواجيسي لها عندي مهابـه=مهابة سيد الشيعـه لسنـي
توارد كالخواطـر للكتابـه=وتعبث في تفاكيري واجنـي
غريبه مالهـا شـيٍ يشابـه=سوى اني اشوفه شي منـي
تخابط فوق راسي وتعثابـه=ولا لي حيلة ٍ في طردهنـي
اسايرها ابي فرقـا جنابـه=وتأسرني بوهمـه والتمنـي
يضيع الليل والساري سرابه=وراسي شاردٍ باللـي لفنـي
الا ياراسي الفاقـد صوابـه=ترى غيرك براسه مايكنـي
زمانك مايواسي من بكى به=زمانك ماضيٍ مهمـا تونـي
زمانك مانجابه مـن هقابـه=زمن يحتاج له بعض التوني
كفايـه ياطواريـق الربابـه=عسى لاروحن مايرجعنـي

وسلامة من تااابع
بوح وجداني