يابوي

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يابوي لامني تمعنت هالكون=اضيع مابين الخطا والصوابي
لو قلت لي وشلون ماقلت هاللون=لكن هي الحيره وضيعت جوابي
شفت الاوادم في حياتي يمرون=مابين صادق واكثر الناس هابي
ياما عذرت اصحاب لو مايعذرون=وياما دفنت المخرمه بالترابي
ياما قهرت ابليس واللي يحقدون=وياما نطق خرسان حزة غيابي
ياما وياما ماعلي وش يقولون=عمر الحكي ماهز حضرت جنابي
لكن يبوي الموت باللي يطيعون=حكي ٍ حكاه البوم ويا الغرابي
حسبتهم خلان واليوم خانون=يابوي تدمي طعنة اقرب صحابي
يابوي لو هم ناس من دون مضمون=ماسوق شرهاتي لهم في كتابي
يمكن انا من طيبتي قلت يوفون=كنت احسب الماطر بكل السحابي
شي ٍ سطا في خاطر انسان مغبون=لكن عموما ُ اشكر اللي حكابي
يبقى له المعروف لو كان ملعون=لنه كشف لي غلطة ٍ في حسابي
[/poem]
وسلامة من تااابع
بوح وجداني