![]() |
#1 | |
شاعر
![]() |
![]() مليت من كتب القصايد والاشعار
مليت من كتب القصايد والاشعار=بـ الله خلوني بليا قصايد لا يالقوافي لا تجبين الاعذار=لي في مجال الشعر باقي شرايد برجع لكم باقي لنا عندكم ثار=حقٍ من حقوق الجروح الركايد جرحٍ يخلي صاحي القلب محتار=مما جرا من هرج عاذل وكايد قالو غدرك الوقت والوقت غدار=وش عاد لو تبكي بليا فوايد قلت السموحه هرجكم مابه اذكار=لا الوقت غدارٍ ولا هو بعايد هذي تصاريف الليالي والاقدار=مكتوب والمكتوب ما عنه نايد سوق المحبه للمحبين مسبار=من سج رجله فيه يلقا الشدايد لي فيه سجاتٍ ولي فيه مشوار=ولي فيه مملوحٍ عن الحد زايد اشغلت قلبي فيه من غير مختار=متعلقٍ حبه بحدب الجرايد قادت بجوفي من تباريحها نار=والنار صارت في حشايه وقايد والعين تسقيها المشاعر بالانهار=واسقيت بدموعي قماش الوسايد والفكر لامن هزه الشوق ينهار=يجيب من عذب المشاعر فرايد الشجرة اللي تثمر غصرنها ازهار=واوراقها الخضرا لقلبي رفايد من غيبته عن ساحة البيت والدار=غديت مثل مشردات الطرايد اسج مع طيفه يجيني بالاسحار=الشوق مع طيفه يزيد النهايد وينكم
|
|
![]() |
الأعضاء الذين قالوا شكراً لـ بيت الطين على المشاركة المفيدة: | شجون الليل (28-05-2016) |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
|
|