تعالي يابعد حيي

تعالي يابعد حيي

تعالي يابعد حيي تعالي دفي البردان=تعالي ضمي احساسي بهمسك يانظر عيني
انادي لك من اقصى لهفتي محتاج لك شفقان=ولا غيرك بهالدنيا لياجيته يواسيني
ابرمي حملي الكايد ابنسى كل شيٍ كان=ابي حضنك من احزاني يحررني وينجيني
ابي اسقي مسامع خافقي من حسك الرنان=ابي صوتك يطهرخافقي من كل مافيني
ابي عيني تبحر بك وتعرف صادق الالوان=ابي حسنك يرجع ماتلاشى من تلاويني
ابي اتنفسك واشهق ابزفر نبرة الحرمان=ابي اتنفسك لين القدر ياتي ويفنيني
ابي اشرب من الشهد المصفى شربة الأدمان=ابي اسكر بمعسولك واغذيبه شراييني
ابي اتمعن اوصافك اببحربك وانا الربان=ابي انعم بمكنونك وحبي لك يمشيني
ابي كلك على كلي نصير اثنيننا انسان=ابي صدري على صدرك بما باقي من سنيني
تعالي يابعد حيي ترى ماشلتها طربان=تضيع اصواتنا مير الغلا يمك يوديني

وسلامة من تااابع
بوح وجداني