|
![]() |
#1 | |
ماجد الشمري
![]() |
![]()
هذه القصيده كتبتها بلسان والدي رحمة الله عليه
فكان رحمه الله كثير النصح لنا فاقتبست بعض نصائحه وكتبتها في هذه القصيده قبل سنوات ارجو ان تفيدكم وتعجبكم اخوكم / ماجد بن عبدالله الشمري (( الغابه ))
هذي نصايح صاغها شايب لشاب=قال احفظه يابوك لاتحتفظ به معروفةٍ قبلي وكلن لها جاب=وصفيتها باوراق ماهي بصعبه مقيولةٍ وقت الرساله والاصحاب=يالله سترك رحمتك والمحبه اول نصيحه قلتها فتحة الباب=لا تكتمون الحق وان كان رغبه واستطردو منهم يعرفون وألباب=نصايحٍ يقضن على كل نكبه قالو ترى يامادح النفس كذاب=لاتفتخر بالنفس عدك تسبه خلك صدوق وصادق الوعد غلاب=والمنهزم شخصٍ على الناس كذبه واختر كلامك لايقولون ذا خاب=ياليت وسط الحلق يابوك خلبه وان جاء هزل لاتخلط الجد ترتاب=وان جاء كلام الجد ادخل بلبه وقولك على فعلك اذا جوك طلاب=وفعلك نهار الكون بالكود صبه والسيل لاجا جارف جبال وهضاب=لاتعترض له وابتعد عن مصبه واترك عدوّك لاتحطه على الناب=واعرف صديقك وان توكّدت ظبه واللي يجيك ويعتذر راحت ارقاب=هذا يبيك اليوم واسمح وحبه ياما تبي تشرب من المر باكواب=ترى الصبر للوقت كيٍ وحجبه لاتنزعج حيث الزمن دوم دولاب=يومٍ يغلبك حيل ويومٍ تغلبه وافرد حجاجك لا تخليه عتّاب=تلقى الزمان الوان والضحك طبّه واذا استوا امرين لاتضرب حساب=اترك هوى نفسك واعكس مهبه والسّر لاشلته حطه بسرداب=واقفل عليه ومن ورى الباب غبّه والمجلس اللي فيه عرّاف خطاب=احرص على انك تستمع كل خطبه لا تدّعي للعلم في كل الأسباب=واعمل على انك جاهلن تنتصر به خالف هوى الكفار حتى ولو طاب=واسلك طريق اللي على دين ربه سبحان رب البيت يوصي بالاقراب=وصل الرحم لاينقطع فيك صلبه وان جابك الله يوم في ديرة اجناب=احفظ لسانك والادب لا تذبّه والبس من الباس التحفّظ للاغراب=ولا البساطه تكسبك زود صحبه ومنهو يهمه مظهره شال واثياب=دمعٍ غزيرٍ من عيونه يكبه ترى التواضع زين مافيه ماعاب=واللي نشا مغرور عميان قلبه وان جاء صغير وماتراعيه باعجاب=يكبر ودربك يلتقي فيه دربه والمقبل اللي جاك اهلاً وترحاب=والمقفي اللي راح لا تتصل به وبيت الشعر ماينتصب كود بأطناب=والشيخ مايأمر على غير حزبه خلك كريم ودوم للنار شبّاب=ترا البخيل ان عاش كنه بغربه وخلك سخي من فوقنا رب ثوّاب=مشكور وان فرّجت للناس كربه لاتتقي لابان فعلك صر عقاب=والبوم طير الليل في كل خربه واذا بدا لك حجاجةٍ في بطن داب=اقطع رويسه يتّضح مابغبه واختر من اللي يتسم فيه هيّاب=ذيبٍ وطيرٍ والأسد فيه عجبه الذيب لامن جاع بالقاع لوّاب=يرقب ويرعب والبلا فيه لعبه والطير لامنه بغا الصيد صوّاب=حيثه على روس الطويلات شربه ترى الاسد يابوك هو سيد الغاب=خلك شبيهه واحذره لا تدبّه والموت لا تنساه مذكور بكتاب=دارك ترى حفره واغطاك تربه والخاتمه صلوا على سيد الاحباب=انبا نبي الله نابي ونبّه آيات مع صدق الأحاديث باسهاب=منها تغذى الروح والراس عقبه وسلامتكم |
|
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|