يازين طبعه

السلام عليكم ورحمة الله

يازين طبعه

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
يازين طبعه كل ماشافني جاي=ياقف ويشّر يلتفت ويغمزلي
وانا اتغلى وانتظر واقصر خطاي=اخاف اجيه بسرعتي يلتحملي
ونصير انا وياه سكر وسط ماي=نذوب في كاس الغلا وفيه نغلي
واذا مشينا بين الإقبال واقفاي=من زينها من شافها يلتفتلي
والناس ماترحم ولا تسمع الراي=كلن على مبداه يشلع ويدلي
وان قلت ياناس الغضي كنه كلاي= ولّا هشاش القلب وافداه كلّي
وهذا الى مني تذكرت بلواي=اتخيله وانسى غثا ما حصلّي
ياناس هذا للمرض داي وشفاي=ياناس هذا الشخص مخلوق لأجلي
قالو اسير الحب يعزف على الناي=واللي خطاه الحب بالبُوق يسلي
قلت اتركوني ما ابي اسمع عداي=أبي حنين الشوق واعطيه وصلي
ياويل حالي كنها تنتل حشاي=لامن توارت واختفت صار قتلي[/poem]

----------------

وسلامتكم ،،،،،،،

ماجد العبدالله الشمري