لا فاضت احزاني ولا زاد همي
ولا انكويت من الفراق وتحرقت

ولانقص وزني ولا فار دمي
لان الحكايه كلها مضيعة وقت !

أيام راحت بي وراحت على خير
مرت على عمري مرور الثواني

أيام كانت غير.. في ذمتي غير
أحيت يباس عـروق ذيك المحاني

احترت من زود الغلا وين اوديك
يبيك قلبي مير عـيني شحوحه

عيّت عليك اللي نظرها يراعـيك
دايم معك في كل جيه و روحه

وقلبي لو ان الود وده يخـاويك
مير الظلوع العوج تكبح جموحه

ماكل مايطرى على البال ينقال
بعض الحكي مايستحق المقوله

احرص بقولن له تعابير وامثال
كل من سمع هرجك يلتف حوله

ترا البشر تعطيك الوان واشكال
واحذر على عقلك لحدن يطوله

لخان ودك من تعزه على الروح *** معذور لو صديت عن باقي الناس

يَ لله نغيب .. كن الأرض صارت شبر ,
يَ الله نروح لأبعد ما تكون الحياة ,

شوف لي درب ما مر الوجيه الغبر ,
شوف لي أرض ما تنبت بها الذكريات ...

عيشي حرَّة في زمانك كان ودِّك تفرحين
الهوى بْمفهوم آدم سد رغبات و ضياع

لا يغرِّك في بياضه .. حقده أبيض ما يبين
في ذراعه يحتويك و يطعن بنفس الذراع