انا والليل واجود مفرده

انا والليل واجود مفرده

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] استثار الليل .. صمتي .. واجهده=في سؤالاتٍ .. اجاباته .. محال
كلني حيره .. وادور .. مفرده=تجبر الخاطر .. بتعليل .. السؤال
مالقيت الا .. نزيف .. الاورده=انتخي به .. واطلبه حالاً .. تعال
واثقٍ .. في فزعته .. يوم اقصده=والشعر مطنوخ .. ماجاب .. الهزال
قال انا لك .. والجزايل .. حاشده=في قوافي .. تشتعل .. يوم لقتال
قلت له .. ليلي دهاني .. اسوده=في محالات .. السؤال .. ولايزال
قال انا حرفٍ .. اشتت .. سرمده=بالعقل .. بالطيب .. والا بالهبال
ايه انا .. ناري عشانك .. موقده=والظلام وحيرته .. ماله .. مجال
وان دهاك الليل .. حرفي .. بدده=ويتبعثر اسوده .. فوق .. الجبال
استعد القاف .. وشمر .. ساعده=واعتلا .. صهوة جوادٍ .. من جزال
ثوّر .. غبار المعاني .. وطرده=في مساحه.. من ورق .. كله جدال
موحش الليل .. احتقر .. من هدده=واسدل الظلما .. على روس الطوال
قال اشوف.. القاف واعرف .. مقصده=والفعل .. ماهو كما ضرب .. الخيال
ايه انا .. الليل .. وخصيمي .. ارجده=في ظلامي .. واحكم الضيق .. بحبال
رد شعري .. بالنبال .. وسدده=في صميم الليل .. واغرقه .. بنبال
لكن الصبح ..اقترب .. من مولده=واعتلا صوت الماذن .. كل جال
انتهى الليل .. وصباحي .. ابعده=والقوافي .. ماتشيب .. ولاتطال
لكن الظلما .. لياجا .. موعده=احتمي .. بالقاف من هم .. الليال
السهر والليل .. محدن .. يقصده=لكن براسي .. علومٍ .. ماتقال
اشكر المولى .. يقيناً .. واحمده=والقناعه .. مذهبي .. في كل حال
والعزيز .. اللي رحل .. مايفقده=الا رجلٍ .. يعشق .. فعول الرجال
والضمير .. اللي غفى .. لو تقعده=يصحي الساعه .. ويرجع .. للميال
والحزين .. اللي تحاول .. تسعده=لازم ان الروح .. من حزنه .. تنال
والضرير اللي .. بكفك .. تسنده=لاذكر فعلك .. فهذا .. من قلال
والصواب اللي .. تحاول .. توجده=لا لقيت العاقل .. ابشر .. بالعدال
والزمن .. صعبٍ علي .. احدده=في حروفي .. لكن اعطيت .. المثال
ايه انا .. والليل .. واجود مفرده=قلنا ماعشنا.. وسطرنا .. مقال
انتصر .. قافي .. وعاود لبلده=وابتهج راسي .. وسوى .. احتفال[/poem]

وسلامة من تااابع
بوح وجداني