21-04-2011, 05:14 AM
|
#1 |
|
بـــدر
|
يابوح قلبي صويب ومالقى والي
اسعد الله اوقاتكم بكل خير
\ يابـوح قـلبي صـويـب ومـالقى والي ومذكور بانـك حكيم القلب وْدكـتـوره جـيتك وابشكي لك اللي صار يالغالي والـسـالـفة بـيـنـنا يا بوح محصورة من يـوم شـفـته وحـالي ماهي بحالي وللحين عيني من اللي شفت مخموره حـسنه أبـد ما خـطـر يابـوح في بالي في عـالم الـحـسن زينه يـعـتبر ثـورة راحت وطي بنت فارس هي وبسكالي وكـل حـلـوة عـلى الـتلفـاز مـشهـورة لـو قالوا ان الـجـمال يـقـاس بالـمالي ان كـان تـلـقى الـولـيد يبيع شـابـوره وبـل قـتس دج ورصـيده مـابه ريالي من عقب ماهو بكاش السوق/ هاموره ما كـنت احسب الحلا والـزين قـتـالي لـينه لـعـب في خـفـوقي لعـبة الكورة يـسـحـرك سـحـر الهـلال بفنه العالي ويقهرك مثل النصر ما سر جـمهوره يـالـيـتـني قـبـل اعـرفه بعـت جـوالي وشريت لي نـوكيا ما يـنقـل الصورة ان كـان للـحـيـن دالـه عـنّـه وسـالي والـقـلـب لاهي ولـحـدٍ حرّك شـعـوره يا Black Berry سببكم ضاعت احوالي وانا قـبل لا اشـترك والحال مستوره الفاس بالراس طاح وقلت انا اقوالي يابوح وشلون ابنسى قصة اسطورة \ وسلامتكم من نسج الخيااااااااااااااااااال  بدر بن عبدالله |
|
| الأعضاء الذين قالوا شكراً لـ بيت القصيد على المشاركة المفيدة: | بيت الطين (16-04-2012) |
|
21-04-2011, 05:23 AM
|
#2 |
|
بـــدر
|
رد العزيز بوح وجداني
\ حـي الله الـشـاعـر اللـي .. قـد تـعـنـالـي بدر القصيد ان حضر ..فالنفس مسروره الــصـوره اللـي بـقـيـفـانـك .. تـراوالـي مـثـل الـثـمـر .. قـبـل ما ينحـت بالجـوره من يـقـطـفـه .. ذاق طـعم السكـر الحالـي واللي تـوخـر بـقـطـفـه .. ذاق مـنـخـوره ارق الـشجر .. لا تـقول ان الشجر عـالي يا عـاشق الـتوت الاحمر .. ماهي بنـدوره وان شفت غصنه مع الـنـسمات .. ميالـي قـلـه اجـيـبـك .. لـو انـك حـيـل مـغـروره لاصـار للـنـفـس حـاجـه .. وانـت فـعـالـي مـافـيه داعي تـعـيـش ابـحـال .. مكسـوره لا يـابـدر .. مـن تـواصـيـفـك نهـض بالـي بـين الـمـحانـي .. دفـيـن ٍ مـا نـطـق زوره يـسـوق وجـد الـغـلا .. كـالـمـزن هـمـالـي عـلى الـذي في غـلاه الـروح .. مـسـحـوره تـاقـف له الـبـيـض .. لامـن جـتـك تختالـي تـقـول مــشـرق بـدر .. فـي جـوف بـلـوره تـمـد ضـي الـجـبـيـن .. وتـرمـي الــشـالـي عــلى جـــديــل ٍ يــتـلـه لـلــورى .. جــوره لا يــا بــدر .. لـو تـهــيـا شـوفــه قــبــالـي مـا رحـت للـضـيـعـه ..ارجي شوف سنيوره عــلـى خــيـالـك .. تــهــيـا مــا تـــهـــيـالـي والـعـين فـي حـبـهـا لـلـزيـن .. مــفــطــوره لـكـن تـرى الـتـوت الاحـمـر .. سـبب هبالـي ودي اعــدي خــريـطـتـنـا .. وانــط ســـوره \ بوح وجداني |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
العرض العادي
