طبيب النفس

[poem=font="traditional arabic,7,green,normal,normal" bkcolor="transparent" bkimage="" border="none,4," type=1 line=0 align=center use=sp num="0,black""]يا طبيب النفس شف نفسي عليلة=كان عندك طب لا تبخل عليه
عطني الوصفة عسى همي تزيله=داوني بالوصل والروح الرضيه
بدد احزان على قلبي ثقيله=سلني عن هاجسي ، رد التحيه
قلبي اللي من تباريحه تشيله=وتحداه عن الغلا سيه وسيه
بيني وبينك سرت روحٍ جميله=شلتها فوق الزهور النرجسيه
يا عفيف النفس والروح الجليله=شدني لك شوق وجروحٍ خفيه
يا بعيد الدار والطرقة طويله=والزمن يشكي ليال سرمديه
كيف ابا اجيلك وانا زملي هزيله=وكيف ابنسى التايهات الابجديه
عَف يا قلبٍ وضيعه الدليله=اف يا شوقٍ بنيته في يديه
دغدغ اشجاني عسى الفكرة تجيله=والقرايح دوزن اوتارة نديه
بكتب ابيات على شانك جزيله=وانشرة في صفحتي والحايليه[/poem]