لعنبوها ..

السلام عليكم

قصيده حليله جازت لي

---------

لعنبوها والله اني ماقدرت انساها
كيف بنساها واهي تطري على بنومي
والله اني من غلاها ماعشقت اسواها
ضيّعت مستقبلي في حبها وعلومي
دبلجت في عقلي الباطن حكي من فاها
من حلاوة قولها لخبطت في منظومي
الوكاد اني مبادر والخفوق اهداها
وردتن من عبق ريحانن ومن يشمومي
بعدها قامت تبسم جعلني افداها
وارتسم من حبنا قلبن وفيه سهومي
هي هواي بدنيتي هي علتي ودواها <
هي سعادة قلبي الي بحبها محكومي <
لكن الدنيا تراها تستدير ارحاها <
وكل شيِ ماهو بثابت ولاهو بيدومي <
حكمت الله لأجل خلقه يوم امر وانشاها
شي لك مقسوم وشي ماهو بمقسومي
ارسلت بنت الحلال ارسالتن مبداها
ياحبيبي والله اني عايشه بهمومي
قمت ادقق بس عيني دمعها غشاها
وقمت اكرر ماقريته كني المنجومي
اثرها خطبت ولا ادري منهو الي جاها
مير ابوها يذكر انه من خيار القومي
عيّت الخيرات تودي مركبي مرساها
وانكسر مجداف حظي وعاجزن له عومي
السعاده جعلها في دربها تلقاها
والفرح من وين مالقت تشوفه يومي
والله اني لا احترمها واحترم طرياها
واحترم حبن على وضح النقا محشومي
حافظ دروب المحبه وحافظن معناها
وحافظ سلوم المحبه مثل حفظ سلومي


-----------
سلامتكم

والله اني لا احترمها واحترم طرياها
واحترم حبن على وضح النقا محشومي

القصيده ما شفع لها غير هـ البيت يكفي عن قصيده
على انها طويله ؟؟

تسلم دياتك والله والشيله غيرت كثير ؛؛

ومن قال يسلم ياديم

اسعدني حضورك

القصيده بتفاصيلها ومعانيها وسلاستها جميله مثل جمال روحك
لكن الشيله اقل من مستوى القصيده. اعتقد كذا

وتجي بالسلامه ياصاحبي

صدقت ياصديقي

انا نزلتها كتابه قبل ان اسمعها

روحك وحضورك الاجمل يالعزوه

سلمت
وسلم لنا الذوقّ الجميل
دمت بعطاءّ جميل
’’

ومن قال يسلم ويبقا يابقايا

يعطيك العافيه عالمشاركه الجميله

دمتي بخير

وعليكم السلام

صح لسان قايلها والقصيده ذوق

حااااافظ سلوم المحبه مثل حفظ سلومي ،


الشطر هَذَا يكفي لحاله

صح لسآن قااايلها
ولا هنت يامآجد

لذه والجادل

تسلمون ومشكورين لكرم الحضور

دمتو بود