( ما نيب ناقص هم )

السلام عليكم يا حلوين

مساء الشعر والمشاعر


هالقصيده حصريه على هالمنتدى


عطوني رايكم فديتكم


تفضلوووو :

.
.


أنا ما جيت لك ميّت بحبك .. أو مولع فيك
أنا جيتك ـــ معي جرحي ــــ .. ومتأمل تداويني
//
لقيتك مثلي بجرحك .. وجلباب الشقاء كاسيك
رحمتك .. لكن أنتي من عذابك ما رحمتيني
//
ومع الأيام حبيتك .. وبعت الغير لأجل اشريك
كثير اللي تمناني .. وكثير اللي يحاتيني
//
تواصلنا .. وكنت أحزن إذا في يوم مالاقيك
على النت .. وكثير أفرح إذا جيتي : تمسيني
//
أحس الكون يضحك لي سعاده .. وأحتفل له بيك
أجي كلي .. ويصدمني عناد ٍ فيك .. مشقيني
//
غريبه كنتي .. وكانت حروفك كلها تشكيك
ولا أدري هو كذا طبعك ، أو إنك ما فهمتيني
//
وقمت أهرب .. أو أتهرب ، أبيك .. ومرة ٍما أبيك
وأسوي نفسي ـــ ما شفتك ـــ وما كنك بتعنيني
//
وضاق الصدر ، والقلب الشقاوي صار بين ايديك
كما لعبة طفل .. يشبه لذاك اللي سكن فيني
//
تعلمت القسى منّك .. وعزّمت أبتعد ، وأرميك
على لوحة أساي .. وتجرَحَك وحشة تلاويني
//
وصرتي تكتبي .. واكتب .. ونتواصل على التوبيك
هجرتك .. مثلي ما انتي بأصعب أوقاتي هجرتيني
//
ومرّ الوقت .. وجمّعنا مساء ٍ يشبه لعينيك
وساقت ذكريات الأمس دمع الشوق من عيني
//
بكيت بصمت .. وما أدري أنا أبكي منك ، وإلا ابكيك
وجاملتك .. وأنا آفكر : وش اللي بينك و بيني
//
إذا إعجاب .. فإعجابك وصل ، لا تشغليني فيك
أنا ما نيب ناقص هم .. ما فيني مكفيني
//
وإذا هو لعب .. فأخلاقي بتمنع إني .. آجاريك
بدرب الغي .. و لماضي شبابي لا ترديني
//
وإذا هو حب .. فالواقع يقول : إني كثير أغليك
ولكن ـــ يعلم الله ـــ ما طلبت إنك ( تحبيني )
//
عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني
//
وآروح ابعيد .. وآخلي عذابك ، قبل ما آخليك
نسيتك .. أو سنين الصد والوحده تنسيني
.
.

فهد

صح لسانك يالفهد وتسلم لنا حروفك جزله من جزل

يسلم راسك هايل شرفتني

اسطوره يافهد
تجسد حكايه
و
تلتمس العذر من الذات بنزف الابيات
رااائع يابو فيصل
صح لسانك ويسلم احساسك وراسك

تسلم لي يابوووح
وهالحياة بنعيشها
حتى لو ما جات على كيفنا
شرفتني لبى كلك

رااائعه راائعه راائعه



فهد راائعه علقت معي هالكلمه

مقدر اقول غيرهاا

من كثر الاحسااس الصادق الي فيهااا


لا تحرمنااا

عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني

يافهد يافهد والله دخلتني جو غييييير

يسلم نبضك ولسانك وكلك

قصيده من اروع القصائد في نظري

دمت بسعاده يالغالي

عليك أدعي ، أو أدعي لك .. أو أدعي ربنا يهديك
أو أدعي خالقي : ينزع غرامك من شراييني
//
وآروح ابعيد .. وآخلي عذابك ، قبل ما آخليك
نسيتك .. أو سنين الصد والوحده تنسيني

ألييييمـة آل أليييمـة آل أليييمـة يا فهد
قسمبـلاه من أورع القصايد الي قريتها كلها إحسـاس
صح لسـانك من بيتنا إليـن توصل بيتكم ولا تسدك قسمن بالله ع هالرائعه
دوك تستاهلها وربـي

صح لسانك خييو وعلا شاانك

ابيات بمنتهى الرووعه والعذوبه

لاعدمنا هالتميز

صح لسانك خيوو
وتسلم يمناك ع هالرائعة
ابدعت وأكثر
دام إبداع قلمك