احبك اكثر

سجل دخولك معي في روضة احساسي=واقطف معي زهرة ٍ تجمع مشاعرنا
تدري زهور الغلا ملّت من انفاسي=متى من انفاسك العذبه تعطرنا؟
هذا نداء الغلا يالغالي/ القاسي=ياباذخ ٍ بالحسن ممكن تعبرنا !
ماطاح بك غير قلب ٍ طاح متواسي=ولسان قلبي يقول : الله يصبرنا
يازهرة ٍ ماعرفت اشلون تنباسي=نعومته / رقته /بالحيل تسحرنا
زولك معي حاضر ٍ في كل مجلاسي=لك صورة ٍ في عيوني بك تذكرنا
ماشافها في عيوني اقرب الناسي=هذي جفوني تخبيها وتسترنا
سجل خروجك من الغيبه وقل ناسي=سجل دخولك بحظني لاتغادرنا
خابر ظرووفك صعيبه يابعد راسي=لازم اعذرك مدامك دوم تعذرنا
قلبي بليا وصالك يعلن افلاسي=ادعم خزينة محبك لاتخسرنا
بن الغلا فايح ٍ ياطارد عماسي=ماباقي الا من اشفاهك تبهرنا
تقدر تعد التراب ورمل الاطعاسي=اضرب عددها بتربيعه وخبرنا !
احبك اكثر من الناتج بمقياسي=يالعود الازرق متى ريحك تبخرنا ؟

وسلامة من تااابع
بوح وجداني