الغوالي

الغوالي

بسم الله الرحمن رب البريه=بسمه بديت القاف واللي طرالي
ديميةٍ جزله ولابه رديه=من شاعرٍ ماقال غير الجزالي
تمطر على عمان عقب ضحويه=وتبل كبد اللي يخيل الخيالي
يرقب مناشيها جزيل العطيه=زيد الفخر والطيب زين الفعالي
تاج المراجل حايز الأولويه=ذيبٍ يشوم عن الردا والهزالي
عليه سقت القاف خيٍ لخيه=ابنشدك يازيد وين الغوالي
حتى النخل ينشد عن ابو الرعيه=والمزرعه تنشد عن ام العيالي
والبيت يدوي ويتعالا دويه=اجيه واطلع كنه اليوم خالي
اسج وانصى مرقبٍ في عليه=بيت الشعر تحته وصفر الدلالي
احاكي المرقاب غصبٍ عليه=واسجع بطاروق التوجد والالي
متى يجون اللي غلاهم هنيه=بين الضماير شامخٍ كالجبالي
امي وابوي ونايف المنزليه=لاشفتهم عزالله ارتاح بالي
عليهم التسليم واصدق تحيه=تحية المشتاق مابه جدالي
غنيت شوقي في حروف ابجديه=واللي بصدري باقيٍ له توالي

وسلامة من تااابع
بوح وجداني