ياناشدن عني تراني توفيت

السلام عليكم ورحمة الله وبركاته

هذه القصيده قلتها على لسان احد الاصدقاء كان يحكي لي عن قصة حب من طرفه

لبنت احد الجيران وكان والدها شايب كبير ولها اخاً يعمل بمدينة الرياض

اما هي فكان اسمها مهره وهو يرغب بالزواج منها

7 7 7 7 7

( ياناشدٍ عني تراني توفيت )


[poem=font=",6,black,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يا ناشدن عني تراني توفيت=اطلب من المعبود يرحم جنابي
انا قتلني صاحبي يوم حبيت=واسقاني السم الغبر بالشرابي
واحياني اللي يخرج الحي من ميت=من عقب ما هالو علي الترابي
واصبحت اكتّب بالورق لين مليت=وامسيت اكتّب بالقصيد العذابي
سبّت عذابي كل ماقبلت واقفيت=دقات قلبي ترتجف بضطرابي
خايف يحول فراق والله ذليت=وعيّت تنام العين من حر مابي
يامهرتن عسّافها راعي الصيت=الشايب اللي ما يعرف الخرابي
اخت الحصان اللي رفع واسط البيت=اللي يحل المشكله لو درابي
حبيتها واغليتها ماتدريت=الحب من ربي ولاني بسابي
ياليت ربي يجمع الشمل ياليت=يالله طلبتك لا يقولون خابي
وعلى النبي ياسامعي قول صليت=صلاة ربي عد رمل الهضابي[/poem]

-----------
وسلامتكم