اكبر خطا نبذ الذي تاب ياناس

اكبر خطا نبذ الذي تاب ياناس

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] رحلة مشاعر بين شاعر وانسان=ابحرت في ذاته ..وغنيت الاحساس
ماني معيّب ..لا ولاني بشمتان=لكن هي القيفان ..وهذا هو الراس
التجربه ..تبقى لنا خير برهان=والا ظنون الناس ..ماهي بمقياس
واللي حكى في نية افلان وافلان=يرجم بغيب ٍ ..مايعرفونه الناس
العلم عند الله ..ولو كنت رهبان=لاترضي اهوائك ..وتقرع بالاجراس
من غاب له صاحب ..غدا منه زعلان=كنه يقول: ان العلاقه بلا ساس
ياخي ...رفيقك راجح ابكل ميزان=اعذر خوي ٍ ..خوته عز ونوماس
انشد عن احواله ..ولو كنت شرهان=يمكن عليك الحق ..وتقول لاباس
ترى الخوي : ماهان ماهان ماهان=الا ..على من غيرو طبعه انجاس
الا اذا شفته يدوّر لنقصان=حاول تعدل مايله .. قبل الافلاس
واليا غسلت ايديك ولاناتج ٍ بان=خل العلاقه تنتهي ..قبل تنحاس
وان عاد للدرب السوي ..رغم ماكان=مد اليمين ...ولاتخليه ينداس
كم واحد ٍ عقب الخطا ..عاش بلشان=وده بدرب الصح ..وضاقت به انفاس
الناس ..والدنيا ..وحظه ..وخلان=صدو بوجهه ..لين زادوه وسواس
من يحتوي ندمان ...ماهو بغلطان=اكبر خطا ..نبذ الذي تاب ياناس
لاياعزيز الذات ..ياطير حوران=لدموعك الشاعر ملا بيض قرطاس
اللي مضى خله ..وفكر مع الآن=شيّد حياة ٍ مابها ضيق واتعاس
لو ترتجي مخلوق ..ماعشت فرحان=خل الرجا لله ..وحدده باقواس[/poem]

وسلامة من تااابع
بوح وجداني