اعوضك خير لامن زالت الشده

اعوضك خير لامن زالت الشده

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] يانفسي اللي علي بالحيل شرهانه=لاتحسبيني سعيدن طول هالمده
اعتقت حرفن يحز الروح كتمانه=لاهو تركني ولاني طايقن حده
وجه الورق صار شوك ٍ فوق سيقانه=والقيض مايرحم اللي كاشف ٍ خده
جور الزمن مايذل الراس نيبانه=الذل يوم النخاوي تفجعه صده
يانفس انا من زرع بالود بستانه=حتى يقدم ورود الطيب ويمده
يانفس انا من دفن ضيقات خلانه=في مقبرة خافقي بلحود ممتده
يانفس انا من عذر ماضيه واحزانه=غرقان في حاضره ومهمش ٍ غده
يانفس انا من عمر بالصبر وجدانه=ابني عزيمه تصد الهم وتهده
يانفس انا لو زماني صك بيبانه=العب مع ايامي السودا بمرتده
يانفس امانه تراك اليوم مندانه=الوقت ضدي لزوم انك معي ضده
طبعي اعرفه ولو منتي برضيانه=يقواك راسي وراسي ضامن ٍ هده
والا تبين الحقيقه !! منتي غلطانه=اعوضك خير لامن زالت الشده[/poem]

وسلامة من تااابع
بوح وجداني