على الله اتكون فاهمني

السلام عليكم ورحمة الله
<< ياكثر سلاماتك خخخخخخخ

احب اقول للناي ان بسة الاستراحه مشتاقه لك
/

ياصاحبي ليه تفكيرك=صاير غبي بس تهاجمني
تدري انا ما أحب غيرك=والمشكله منت فاهمني
مابيك ترسل معاذيرك=ابسمعك وانت تظلمني
يازين عذرك وتخديرك=عاذرك .. لكن لاتحرمني
عيني وقلبي مساهيرك=ياهيه .. حبك بيعدمني
مابي وعودك وتصبيرك=قدّر غلانا وشيّمني
مايوم لمتك بتقصيرك=وانت على الدوم لايمني
اصدق معي في تعابيرك=والا اسكت ولا تكلمني
وان هز غصنك عصافيرك=تذّكر انك مخاصمني
ادري بتاكل اضافيرك=من حيرتك كيف تزهمني
لكن لياضاع تعبيرك=قلي ( احبك ) وداهمني
اطيح كلي على صديرك=والووم نفسي واشتّمني
لي خافق ٍ لو يبي غيرك=ماكان (صدك ) يألمني
مدري بيزعلك تذكيرك=لاقلت ممكن تلملمني
يامبعثر الروح انا طيرك=لو يطري البيع .. سممني
اموت ظامي على بيرك=ولا بعاد ٍ يحطمني
اقوووول ياشين تفكيرك=نسّاك لاتطلبه مني
حدد مكانه بتأشيرك=على الله اتكون فاهمني

وسلامة من تااابع
بوح وجداني

وعليكم السلااااام ورحمة الله وبركاته


يا سلااااااااام يابوح
رااااااائعة وعذبه ومشاكسة ومحرضة
صح لسااانك يابو تركي
لا جديد سوى المزيد من الابداع والامتاع

لاعدمناك شاعرنا الراقي

دمت بخير

لقلبك
مودتي

مـــايــــوم لــمــتـــك بـتـقــصــيــرك
وانـــت عـلــى الـــدوم لايـمـنـي

اصــدق مـعـي فــي تعـابـيـرك
والا اســــكـــــت ولا تــكــلــمــنــي

وان هز غصنك عصافيرك
تـــذّكــــر انـــــــك مـخـاصــمــنــي

ادري بـــتـــاكــــل اضـــافــــيــــرك
مــن حيـرتـك كـيـف تزهـمـنـي

لــــكــــن لــيـــاضـــاع تــعــبــيــرك
قــلــي ( احــبــك ) وداهـمـنــي

اطـيـح كـلـي عـلـى صـديــرك
والـــــــووم نــفــســـي واشـتّــمــنــي

لي خافق ٍ لو يبـي غيـرك
مــاكــان (صــــدك ) يـألـمـنــي

مــــــدري بـيــزعــلــك تــذكــيـــرك
لاقـــلــــت مــمـــكـــن تـلـمـلـمــنــي



يا ملحك ويا ملح قصيدك وتعابيرك يابوحنا
لك الغلا يابوتركي وصح كلك
ممتعه هالابيات يالامير

رآئع

صح لسآنك كثر حبّه لك و حبّك له

آمسك

خيآلي قسم بالله

صح لسآنك

وعليكم السلام ورحمه الله..
الله الله..صح لسانك شاعرنا
لا يستغرب التميز من المتمييز...مشاعر مُتـرفه..تطـرب الذائقـه
صح نبضك حتى ترضى يابوح
دمُت بخير

ياسلام عليك ياصديقي

تكتب وتبهرنا بافكارك وروعة شعرك

صح لسانك من حايل لبقعاء

بدر القصيد
يابعد حيي هالوجه
نتعلم منك يابدر
صح بدنك وسلمك الله
/
ابو فيصل
منورنا يامضيع الجوال وهو بأذنه خخخخخخخ
تسلم كلك يافهد وصح بدنك
لاهنت
/
ابو مها
ياهلا ومسهلا
وصح كلك كثر حبي لك
لاهنت
/
عايد
حياك ربي
ومسرور بتواجدك يالطيب
صح كلك ولاهنت
/
اصعب حكايه
اشكرك على طيب ردك
صح كلك ولاهنتي
/
الشاب المتقاعد
ياهلابك ياماجد
ربي يسلمك من هنا للصين
صح كلك ولاهنت
//
لكل من مر من هنا

ياا سلاام ياابوح كل هاذا حب ببوو خشم

رايعه رايعه يعني رائعه

حب الي تحب دامك بتنعشناا

كنت اهني اناا

المبدع اابو تركي

صح لسانك على هالقصيده الاكثر من رائعه


تحياتي لك