طنش ..

السلام عليكم ورحمة الله
قال مندبلتن تسبدي
وقلت طنش
..

http://www.4shared.com/audio/2RsEqKu7/_online.html



[poem=font=",6,,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""]
ليه البشر ضايق ٍ صدره وزعلانه=متملله والكدر مالي خواطرها
سألتها والاجابه دوم بلسانه=(هي ضيقة ٍ مالقت منهو يفسرها)
حاولت افسر لها ماهز وجدانه=واصغت لي بفكرها وارخت نواظرها
قلت الكدر( ثورة ٍ )والعين بركانه=ترمي حممها دموع ٍ من محاجرها
ترسم على وجنة المحزون وديانه=حتى تبل الكموم اللي تستّرها
دخانها (عبرة ٍ) مكتومه الحانه=من كنّها قال ياربي تبخرها
تدرون وش علمه الارواح زهقانه=ابختصرها واجيبه من اواخرها
لو تسلم الناس من ناسه وخلانه=ماظنتي بالبشر شي ٍ يكدرها
والا بعيد البشر رقم ٍ شغل خانه=والنفس ماكل معدود ٍ يعكرها
خلو عتبنا حطب والحقد نيرانه=واليا سكتنا عجزنا لانمررها
اعوذ بالله من الشيطان واعوانه=من كل انسي يحبكه ثم يكبرها
ليه البشر ضايقه من ناس مرضانه=مدامها ماتقدر من يقدرها
ماتستحق اننا نطفش على شانه=ناس ٍ غبيه وتفكيره يحقرها
طنش طناش ِ عدا بوحي وقيفانه=اهديتك الضايعه ياللي تدورها
ان كانها جزلة ٍ فالنفس رضيانه=وان كانها هزلة ٍ ماني مغيرها
قناعة ٍ والزمن معطيني برهانه=مواقف ٍ لو تضخم دوم اصغرها
[/poem]

وسلامة من تااابع
بوح وجداني
:067:

ليه البشر ضايق ٍ صدره وزعلانه=متملله والكدر مالي خواطرها
سألتها والاجابه دوم بلسانه=(هي ضيقة ٍ مالقت منهو يفسرها)
حاولت افسر لها ماهز وجدانه=واصغت لي بفكرها وارخت نواظرها
قلت الكدر( ثورة ٍ )والعين بركانه=ترمي حممها دموع ٍ من محاجرها
ترسم على وجنة المحزون وديانه=حتى تبل الكموم اللي تستّرها
دخانها (عبرة ٍ) مكتومه الحانه=من كنّها قال ياربي تبخرها
تدرون وش علمه الارواح زهقانه=ابختصرها واجيبه من اواخرها
لو تسلم الناس من ناسه وخلانه=ماظنتي بالبشر شي ٍ يكدرها
والا بعيد البشر رقم ٍ شغل خانه=والنفس ماكل معدود ٍ يعكرها
خلو عتبنا حطب والحقد نيرانه=واليا سكتنا عجزنا لانمررها
اعوذ بالله من الشيطان واعوانه=من كل انسي يحبكه ثم يكبرها
ليه البشر ضايقه من ناس مرضانه=مدامها ماتقدر من يقدرها
ماتستحق اننا نطفش على شانه=ناس ٍ غبيه وتفكيره يحقرها
طنش طناش ِ عدا بوحي وقيفانه=اهديتك الضايعه ياللي تدورها
ان كانها جزلة ٍ فالنفس رضيانه=وان كانها هزلة ٍ ماني مغيرها
قناعة ٍ والزمن معطيني برهانه=مواقف ٍ لو تضخم دوم اصغرها

لاوالله الا جزله وقويه وواقعيه

كتبت فابدعت واوصلت الفكره

صح لسانك ابو تركي ولاهنت

لو اكتب صفحه ماوفيتك بردي

ان كانها جزلة ٍ فالنفس رضيانه=وان كانها هزلة ٍ ماني مغيرها
قناعة ٍ والزمن معطيني برهانه=مواقف ٍ لو تضخم دوم اصغرها




لا والله الا جزلة ثم جزلة ثم جزلة

صح لسانك يابو تركي وسلم حسك وتفكيرك

انت شاعر الابداع

وهالقيدة كـ موضوع جميلة
وكـ قصيدة فهي اجمل


تحياتي لك طال عمرك

تسلم ياماجد ولاهنت
نتعلم منك يالطيب
وصح كلك

لاهنت يا ابراهيم لاهنت
نتعلم منك يالطيب , وصح بدنك

الا والله انه جزله من جزاله حكمه قايلها

صح لسانك من عندي هنا لـ عندك هناك

عزالله انك قنصت له ضايعته

سلم لنا هالصوت يالعذب وصح الله لسانك

جزززل يالخيالي

صصصصصصصصصصصح لسانك ويسلم حسسك

صح لسانك اخوي
واعتلا شانك ولا هنت
يسلم لنا فكرك ومنطوقك
نص جزل من شاعر جزل
وتسلم اناملك التي سطرت هاذي الابيات..ويسلم صوتك
و دام إبداع قلمك ودمت كماتحب
:067:

صح بوحك ياابووح

الجادل
لاهنتي طال عمرك وصح كلك
..
هنوووووني
لاهنت ياحيي هالجبهه وصح كلك
..
رووبن
الله يسلمك يالطيب وصح كلك
...
اصعب حكايه
تدوم افراحك ولاهنتي يالطيبه
..
مشاعر
تسلمين وصح كلك يالطيبه

مآبك حيله بوح ْ ..
متمكن ماشاء الله ,
آحسآسك وآصل .. وقلمك رآقي حييل ..

بأنتظآر جديدك : )

لك تقييمي
,

لا بالله جزله وجزله وجزله ، وقصيدك يابو تركي محشوم عن الهزلة

لله درك يابوح ، استمتعت جداااااا بالشعر في هذا المتصفح والمعنى فبطن الشاعر ..

لا عدمناااااااك يالغالي ولا عدمنا هذا العطاء الراقي

دمت كما أنت بكل ما تحمله من جمال


لقلبك قبائل من :067:


ولك خالص مودتيـ

شمر
لاهنتي وشكرا على الكلام الطيب ياطيبه
..
بدر
وجودك هنا يعني لي الشي الكبير
فمابالك بالاشاده
لاهنت طال عمرك

الا والله جزله وغصباً عن اللي مايرضى :027:


اعــــوذ بالله مــــن الـشـيـطـان واعــوانــه
مـــن كـــل انـســي يحـبـكـه ثـــم يـكـبـرهـا


اي والله .. :162:



صح لسانك ياحمني كثر شعب الصين مرتين ..

:067:

[poem=font="traditional arabic,6,darkred,bold,normal" bkcolor="transparent" bkimage="" border="none,4," type=2 line=0 align=center use=sp num="0,black""]
تدرون وش علمه الارواح زهقانـه=ابختصرها واجيبـه مـن اواخرهـا
لو تسلم الناس مـن ناسـه وخلانـه=ماظنتـي بالبشـر شـي ٍ يكدرهـا
والا بعيد البشر رقم ٍ شغـل خانـه=والنفـس ماكـل معـدود ٍ يعكرهـا [/poem]

خيشة نوووم
ياهلابك
وصح كلك كثر شعر راسي
...

ابو عبدالعزيز
منورنا طال عمرك
تسلم يالطيب وصح كلك

والله انك صادز

صح الله لسانك يا احلا شاعر بالدنيا كله

واعجبنن هالابيات كلهن

بس هالبيت جازلي


اعــــوذ بالله مــــن الـشـيـطـان واعــوانــه
مـــن كـــل انـســي يحـبـكـه ثـــم يـكـبـرهـا

صح لسانك


جاز لي قوه اخر بيت



عساك عالقوه*

الناي
ياهلابك يا احلا خشم بالدنيا
تسلم وصح كلك
..
عنوووو
صح بدك
والله يقويك