يالادمي

يالادمي

ماصابك .. الا ماكتب لك .. بخافيك=واللي تعدى .. لاتحسب انه .. اخطاك
مافي مقادير الملا .. أي تشكيك=يديرها رب البرايا .. والافلاك
والموت !! له موعد .. ولابد .. ياتيك=لا .. لايغرك ماملكته .. من املاك
لو عشت متعافي .. نشيطه .. خطاويك=والله ماينفعك .. هذا .. ولا ذاك
هي ساعةٍ .. فيها تفارق .. اهاليك=مولاك .. حدد وقتها .. وانت تخفاك
يالآدمي !! وش ينفعك به .. تعاليك=ترى الكبر !! لازم يوطيك .. وياطاك
والا التواضع .. يرفعك .. مايوطيك=ويزيد قدرك .. عند ناسك .. ومولاك
بشاشتك .. في وجه .. ناسٍ تحاكيك=اخير .. من كشره .. تلوث محياك
والمستحق !! اللي حياته .. شرابيك=لاتنتظر .. حتى يجيلك وينصاك
ترى النفوس الطيبه .. صعب !! ترجيك=عفيفةٍ .. لايمكن انه .. ترجاك
ياكم عفيفٍ .. عايشٍ .. بالتهاليك=لاتحسب انه يرتجي !! مد .. يمناك
يرجي اله الكون .. رب المماليك=والمغني الله .. لاتمن .. بعطاياك
لاتستقل اللي تمده .. باياديك=شيٍ قليلٍ .. يدفع الشر .. ويفداك
يالادمي !! لهو الزمن .. لاينسيك=دنيا الشقا .. دايم تنسيك .. اخراك
درب البدايه .. للنهايه .. يوديك=لو طالت احلامك !!! مماتك .. تحراك
ترحل .. ولايرحل معك .. من يخاويك=الا عملك .. اللي عملته .. بدنياك

وسلامة من تااابع
بوح وجداني