ليه

ليه

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] هات القلم يادفتري ..لاتنحيه=باقي بصفحاتك ..سطور ٍ خليه
ودي اقفّل مابقابك ..واخليه=خير الختام .. اللي يقدم هديه
للناس والدنيا ..من الراس ابهديه=وعيون تقراني بنفس ٍ رضيه
مزن التجارب ..هل وامطر بقافيه=من بوح وجداني .. حروف ٍ نقيه
البيد ..ياتشرب زلال ٍ امصفيه=والا تصّرف ماطري في ..وديه
حثيت قافي ..وانطلق من معانيه=شعر الجزاله ..في بيوت ٍ قويه
مبداه ..بسم اللي على الدوم نرجيه=الواحد المعبود رب البريه
من بعدها ..نادى قصيدي على ( ليه )=ناداه منصف ..مايبي عنجهيه
ان كان له حق ٍ ..فانا قلت لبيه=وارضيتها ..مادام لي مقدريه
وان كانها للحق ..ترفض وتقصيه=نفيتها ..من معجم الابجديه
سألتها ..يا ( ليه ) ويش المشاريه=خلك صريحه ..واكتبيلي اهنيه
قالت انا فيني عجب ..وين اوديه=دنياك هذي ..بالتناقض مليه
قلت اهرجي ..والقاف راسي يقديه=ماشاب قافي ..دام لي نفس حيه
قالت خويك ..بالزمن وش تسميه=لاصار مايسعى لنصرة خويه
قلت الخوي ..محزم ظهر لاتسبيه=الا خوي الشكل .. وذا مزهريه
شي ٍ جمالي ..مفرغ ٍ من مباديه=يعني يجمّل ..غرفة ٍ مكتبيه
قالت وهراج القفا ..من يداويه=قلت الغبا ..من يسمع البربريه
خليه ينبح ..لين موته يناديه=وتجيك بعده ..نابحات ٍ جريه
هذا حسد بنفوسهم ..كيف ابمحيه=النقص فيهم ..مير انا ماعليه
يعطيهم الذيب الظهر..مافتح فيه=وان لد بعيونه ..يهابو مجيه
قالت كفو ..والذيب محدن يجاريه=لكن ترى ودي ..نميل شويه
قلت اسألي ..مافيه شي ٍ اخبيه=بس الحذر ..لاتنفجر بك شضيه
قالت عن الحب اسألك ..وش خوافيه=الظاهر انه معطي الروح ..كيه
قلت الحقيقه ..ذا سؤال ٍ ابلغيه=والا تعيدينه ..بذوووق وروويه
قالت كلام الناس ..وشبك تخطيه=شف للبشر ..ياكم وقع من ضحيه
قلت اسمعيني وافهمي كلمتي ..هيه=الحب حاكم ..والمشاعر سريه
دام المشاعر تحرسه من معاديه=ماراح تلقى ..غير عيشه هنيه
ترى العدو ..ماهو عذول ٍ تخبريه=اخطر عدو من (روحك الداخليه)
يمكن ظنونك.. او جفاك ..وتغليه=يمكن عطاك اللي نضب ..يابنيه
والموت كل الموت!! لامن فقدتيه=لاسباب خارج ..قدرة الجاذبيه
يعني يحبك ..وانتي اكثر تحبيه=لكن حظوظ العاشقين ..افقريه
قالت كذا يابوح!! يتعبك طاريه=ايه اعترف ..خلك من المنطقيه
قلت الحقيقه ايه .. رغم اني انعيه=هذا تعب وافي ..لعين الوفيه
مدام خلي راح ..ربي يهنيه=والا الطواري ..هبة ٍ موسميه
القانع المجبور ..ذكراه تكفيه=للروح فزه ..والرسن في يديه
(ياليه) ..بقلوب الملا مسكنك تيه=والا عقول الناس ..ماهي غبيه
استأذنك .. وانفيك للراس وارقيه=حتى يبين لك ..امور ٍ خفيه
ان طاب لك راسي وفكري عشقتيه=خلك معه ..وانسى مشاعر لديه
وان ماكفاك القاف ..عندي تواليه=ابيات شعر ٍ ..بالقناعه رهيه
هذا انا والقاف من راسي ابنيه=وانتي معك مني وصايا جليه
سلام راقي ..بالنهايه اغنيه=وانا مقفي ..فوق ظهر المطيه
للي قرا قافي ..ولامس محانيه=والا انا ..يمكن بحرفي خطيه
الحمد لله والثنا دوم ..اثنيه=وازكى صلاة ٍ ..للشفيع ونبيه[/poem]


وسلامة من تااابع
بوح وجداني