المها

[poem=font="arabic transparent,6, green,normal,normal" bkcolor="traditional arabic" bkimage="backgrounds/4.gif" border="none,4,gray" type=2 line=0 align=center use=sp num="0,black""]
مدري ولا ادري وكيف ادري وانا مدري=معزوفة قلتها ضيعت مسراها
هذي هواجيس قلب في قفص صدري=هاجت وماجت نعبرها ونقراها
ادير الافكار هم بالحشا تجري=اعيشها واشتهي ما كان جراها
اكتب حروف الهوى سطر ورى سطري=ازفها للغلا لو ما تحراها
قابلتها في مكان وقلت ياعذري=قلبي سجع وانشلع كل ما اتطراها
سلام ياللي لقية قلت ياصبري=سارح مع الجول بالمرباع يبراها
انا اشهد ان الهوى من يمها عذري=اقولها والخفوق يعاف غبراها
مسموح ياللي كويت القلب بالجمري=ما عاد فيني عتب سرة وجهراها
نزف المشاعر حشرته بالحشا حشر=نكتب على اوراقنا واقلام نبراها
ان كان لي عندكم ياهل الهوى قدري=اعطوني اطراف خيط الحب وادراها
لجل احفظ الود وعهودي مع النذري=لا لاح برق الغلا بالروح .. سراها
حمام ياللي تزج الصوت من بدري=حسبي على اللي قلع روحي وعراها
رميتني بالهوى قربت لي قبري=رجاي يا سيدي روحي توراها
مد الغلا بيننا خله لنا جسري=مده وخل السعادة دوم نذراها
اشتقت لك شوق سهران يبي يسري=احباب عينه ثمان اسنين ما راها
نبي مع الشوق نسرح والمسا خمري=نجيبها صح نسحبها ونفراها [/poem]