شرح نقل الاسماء من جوال نوكيا إلى الايفون بالصور‏

أقطع يدي أن ما كان نصكم مترددين يشترون آي فون عشان خوفهم من مشكلة نقل جهات الاتصال من الجوال القديم

افا عليكم بس .. كذا تزعلوني منكم ترى .. يا جماعة هالكلام قبل لا يجي تكنو على سطح الإنترنت


نسخ جهات الإتصال من جهاز نوكيا للايفون


الأشياء المطلوبة لإتمام العملية بنجاح

1- جهازك النوكيا اللي تبين تنقل منه الأسماء حقتك

2- كيبل نوكيا – عشان توصل جهازك للاب توب

3- برنامج Nokia Ovi Suite
ويمكن تحمليه من موقع نوكيا الرسمي من هنا : حمل البرنامج
4- برنامج الأوت لوك Microsoft Office Outlook

5- آي تونز – iTunes
يمكن تحميله من موقع آبل الرسمي من هنا : حمل البرنامج
5- آيفونك والكيبل حقه طبعاً


في البداية نحمل برنامج الأوفي الخاص بنوكيا

[IMG]http://www.tichno.com/wp-*******/uploads/nokia-ovi-logo.jpg[/IMG]

نشبك الجوال القديم في الجهاز ثم نفتح برنامج الـ ovi وبتطلع هالشاشة اللي هي الصفحه الرئيسية للبرنامج

[IMG]http://www.tichno.com/wp-*******/uploads/transfer-contacts6.jpg[/IMG]
اضغط على الصورة لرؤيتها بحجمها الطبيعي


بعدين اضغط من فوق على ( أدوات ) ثم ( خيارات )

[IMG]http://www.tichno.com/wp-*******/uploads/transfer-contacts5.jpg[/IMG]

بعد كذا نضغط على الاسماء الموجودة على اليمين ونختار المزامة مع الأوت لوك ونختار المكان اللي نبي ننقل فيه الاسماء
[IMG]http://www.tichno.com/wp-*******/uploads/transfer-contacts4.jpg[/IMG]

اضغط على الصورة لرؤيتها بحجمها الطبيعي


أنا بالنسبة لي عندي كذا مجلد جهات اتصال في الأوت لوك , عشاني سبق ونقلت اسماء جهازي في البداية .. ثم بعدين نقلت اسماء جهاز اخوي .. ثم تطور الوضع وصرت أنقل أجهزت ناس ما أعرفهم


واللي يبي يسوي مجلد في الأوت لوك كل اللي عليه هو أنه يفتح البرنامج .. ثم يضغط على ( جهات الأتصال ) .. ويسوي زي ما في الصورة

[IMG]http://www.tichno.com/wp-*******/uploads/transfer-contacts2.jpg[/IMG]

نرجع لموضوعنا .. بعد ما تختار المسار اللي تبي الاسماء تنتقل له تضغط موافق .. بعد كذا بيرجعك البرنامج للواجهه الرئيسية مره ثانية

[IMG]http://www.tichno.com/wp-*******/uploads/transfer-contacts3.jpg[/IMG]

اضغط على مزامنة الأسماء .. وبعد كذا نصبر لحد ما يخلص نسخ

بعد كذا خلاص نفصل جوال النوكيا ونرميه في كرتون ونحطه فوق الدولاب مع الملابس الشتوية .. وبعدين نشبك الآي فون ونفتح الآي تنونز


[IMG]http://www.tichno.com/wp-*******/uploads/transfer-contacts1.jpg[/IMG]
اضغط على الصورة لرؤيتها بحجمها الطبيعي


مثل ما تشوفون في الصورة .. أول شيء نختار ( info ) ثم نحط علامة صح عند ( sync ) وبعدين في الأخير نختار اسم المجموعة اللي نبي ننسخها للايفون .. بعدين نضغط ( apply )

نروح نصلح شاهي على بال ما يخلص البرنامج من النسخ وبعدين وخلاص بكذا يصير نقلنا جهات الاتصال من جهاز النوكيا للايفون بنجاح ايها الرفاق

* * * *

نسخ جهات الإتصال من الشريحة

هالطريقة تصلح للناس اللي مسجلين الاسماء حقهم على الشريحه ومهوب على الجهاز .. لكن عيوب هالحركه أنها تنسخ الاسم مهوب كامل .. يعني على ما أعتقد أول 16 حرف بس .. يعني بتطلع لكم الاسماء زي كذا .. ( عبدالعزيز عبدالر ) .. ( سلطان عبدالر ) .. وهلم جره

بنشرح هالطريقة لسهولتها ولأن البعض قد يكونون مزنوقين وما عندهم هالبرامج والكيابل وغير على أن عندهم القدرة وقاتلهم الفراغ ومستعدين يعدلون الأسماء اسم اسم

[IMG]http://www.tichno.com/wp-*******/uploads/transfer-contacts9.jpg[/IMG]

نضغط على الإعدادات – settings


[IMG]http://www.tichno.com/wp-*******/uploads/transfer-contacts7.jpg[/IMG]

ثم نروح لجهات الاتصال – contacts



[IMG]http://www.tichno.com/wp-*******/uploads/transfer-contacts8.jpg[/IMG]

وفي الاخير استيراد جهات الاتصال – Import SIM Contacts

والأن مافيه حجه لأي أحد




--