تحسب اني احب غيرك

تحسب اني احب غيرك

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] وش اللي صار ياخلي ..وش اللي غير احوالك=اناديلك وتوحيني ..ولكن ماتعبّرني
اعرفك زين ..واعرف كل مايطري على بالك=تحسب اني احب غيرك ..وظنك هذا يقهرني
انا ماودي اتكلم ..ولكن خافقي جالك=يقول ادخل بوجداني ..وخذ جوله وخبرني
اذا غيرك دخل قلبي ..فسو اللي تهيالك=واذا ماغيرك بقلبي ..رجاء ً لا تكدرني
وياليتك تقدّر خافق ٍ بالحب غنالك=انا ما اجبرك مهما غلاتي لك بتجبرني
عموما ً ..لاتتعبني بترديدك لموالك= ابي اسمع لحونك بالغلا وشلون تسحرني
على موعد لقانا انتظر جيّتك ..واسعالك=واذا ماجيت اعذرك ..والسماحه طبع يغمرني
على بحر الهوى لي مركب ٍ راسي على جالك=حباله في يمينك والمراسي ذيك تنطرني
شراعي ..ماطواه الا كفوفك من رضا حالك=ومجدافي ..على شاطي لقانا قال كسرني
تسونامي وهزاته/ وليل ٍ اسود ٍ حالك=يحدوني على الفرقا ..وحبي لك يصبرني
ومع هذا ..فلاتحسبني استعطفك والجالك=انا حبيت ابين (للغلا) من شان يعذرني
خفوقي يالغلا مايحترق ..لو فارق ضلالك=لأني بالعطا مهما عطيتك ..ماتقدرني[/poem]

وسلامة من تااابع
بوح وجداني