لنرسم من الحروف ابياتاً جميله ..

عرفت الحب من ربي خلقلي ياحياتي قلب

ولكن مادريـت انه يُعَــذب بالـــغلا قــــلـــبي

يابـنت لــو تخضع جميع المزايـــــين
........................غـــيرك فلا والله يــــدخل مــــزاجي

والله لـــو صفــن عـــذارى ملايـــين
........................طارن كما القرطاس وسط العجاجي

والله لـــو حــطو على الحلق سكـــين
.........................ماخــون حــبن داخــل القــلب لاجي

البارحه كني مــــع الــراس مخــبـــــوط
كـنه يكـــــســر فــوق راسي بــــلاطي

عـيا يجيــني نــوم والــــنـوم بشـــــروط
والــهــم زوّد لـــوعــتي وانــــحــــطاطي

الشــيب قـــرّب والعــوارض تــقل نـــوط
يلــمع طــرفهن كـــنهن الــقــــــــواطي

وامضــيت عمـــري بين الافـــواج مضبوط
ماني مــن اللي يـهــتـويه الهـــــــياطي

خذاك مني غرورك وانتقص قدرك=ماعد لي حيلةٍ في شخصك المغتر
اقدر اعذرك ولكن مابي اعذرك=مابين كبرك او الفرقا تعال اختر

قالو تصد وقلت صدي جريمه=يموت منها قلبي وقلب خلي
كان الوفا يوصف بدقه قديمه=فأنا القديم وكل حاضر يولي

من يقول ان الهوى عذب اعتقد ماهو بداري=والا يمكن حب له صوره وفي جيبه يرزه
دام خلي مثل ضلي حاضرٍ مع كل طاري=لازم يصير الهوى عذبٍ اعيشه كل حزه

ضاق الصدر واليوم بنهت من جديد .............

واكتب قصيد واضرب على كف الغدر.......................

قالو تخون ما يفهمون ان المحبه ماتبيد ................................

واللي يزيد من العذاب طعنات تنخز بالصدر .......................................

انا ما خون لو خنتي ولو عفتي وهـــونـــــــتي
انا ببقى على عهدي واحبك من طـــرف واحد

وهذا البيت لاهنتي الى منك تمعنــــــــــــتي
انا مارجع ولا اخــــضع ولاني للهــوى جــاحــد

شفت اتصالك ياغناتي عن الـناس *** في خدمة الموجود وارتاح بــالي

خارج نطاق التغطيه كنت محتاس ***ماغير انا والطير واقنص شمــالي

لاياهشاش القلب يافروة الـــراس ***لاياخــلف جـدي وذروة حــــلالـي

ابتسم لا صار لك فهمن سوي=واقتنع ان الزمن يفهم عليك
لو يثور بداخلك ذيب يعوي=هذا يعني ان وقتك مبتليك
اكسب لنفسك من الدنيا خوي=تصبح الدنيا تناديلك تبيك