بعيد عن الحزن و بيت شعر فكاهي

ياليت عندي حظ و الا واسطة
و اقابل اصحاب السمو الواصلين

واكتب لهم معروض.. قصدي خارطة
عن عمري اللي ضاع مدري ضاع وين

و اجي هنا باسلوب فيه مهايطه
و أقول قابلت الملك و العلم زين

الارنب اللي نط لي ايمن الخط=لا شافته عيني خفوقي ينطط
بالله ياقط الغلا وصل الخط=للي هدب عينه للاوجان بطط

هههههههههههههههههههههههه طط

عطيتها روحي بها صرت مشغول
كني اسد ينطر مرور الفريسه

ادري بليت القلب بالوصف والقول
بس البلا يا ناس مـ اقدر اجيسه

تمشي بدلع واللبس يا موضة الكول
وانا شماغي شاريّه دون كيسه

يعني تناقض بيننا مو بـ معقول
هي الكلام الذرب وانا طميسه

الا يالفارة الزرقا علامك تقرضين الكوت=فضحتي واحد ٍ مقفي ولايدري عن المشقوق
عسى سم ٍ وضعته لك ,يورّد حضرتك للموت=وتتشرد بزارينك ويصبح خافقه محرووق

شخـص هــويته جعــل ربي يشـله
اصعب شلل يكون مايــــــوجد دواه
ولا برص يضفي على الجـسم كله
يبدا بوجهه ثم يمشي على اعضاه
والا مـــرض طاعـــون حتى يغــــله
يسمع بعلاجه بس من دون يلقــاه
ويصـــاب بالسكـــر حتى يحـــــــله
حتى المشي بالرجل ماعاد يقواه

( ياقوي قلبه هالشاعر )

اسف لكل المعجبات
انا هنا وماني هنا
السابقات مكنسلات
عرفتهن قبل منى
والجايات معطلات
شبي بهن عقب منى!
محظوره المكالمات
الا اذا اتصلت منى

(سعد بن علوش)

وش عاد لو غنيت وسمعتني صوت
مشهد درامي وسط شاشه بلازمه

يالله تــوكل كــرت احـمــر قــــو اوت
ماني في بعدك عايش بأي ازمــــه

حبيبي .. مادام .. حبك
عسل مخلوط بالقشطه ؟؟
لاتلوم قلبن شرى بريال صامولي ../

سمعت نغمة رسالة قلت يالله عسى خير
وأنا ثلاث أيام محدن ذكرني
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني
*

غمضت عيني مير ماشفت حاجة
....................... اثر العرب لا غمّضوا ما يشوفون ..!