الصراحة بالمحبه عادي ما فيها زعل

سلام شلونكم ...

لكم وحشه والله ... حبيت ابارك لكم بهالمنتدى الرائع اللي يثبت أن المنتدى يرتقي بأعضاءه وليس بأسمه وعدد زواره

يقولون اللي ماله اول ماله تالي .. وانا كانت بدايتي مع هالمجموعه اللي لهم الفضل بعد الله ببدايتي المتواضعه بعالم القصيد

ياما تمحلوا اسئلتي وياما خلف الكواليس وجهوا وعدلوا وانتقدوا فلهم من القلب الشكر الكثير ... واللي ماله اول ماله تالي

عاد قلت بنزل مشاركه لأول قصيدة لي صوتيه .. وكالعاده لا نستغتني عن انتقاداتكم و توجيهاتكم ...








http://www.youtube.com/watch?v=-xO_Fg-AJWM


[poem=font="Traditional Arabic,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تكفى اعلنها صريحه قل [أبيـك] أو [مـا أبيـك] =الصراحـة بالمحبه...[عـادي] مـا فيـهـا زعــل !
أنطـر بلهفـه [ جـوابـك ] كــل مـابـي يحتـريـك =لا [ تعلقني ] .. [ فديتك ] ماني قادر أحتمـل
كل [عرقاً ] بي [ يحبك ] كل مابـي يشتهيـك =مدري حبي لك [ طبيعي] والاعامل لي عمل
والا وش معناهـا انـي [انجـرح منـك واجـيـك]! =وليه أحبك في [ جنون] وأنت قاتلنـي قتـل؟؟
شفني لعيونك حضرت وكل حياتي في يديـك =مدري حسيـت بحضـوري والا كـل هـذا ثقـل !
قلبي اللي [ ملكتـه ] .. رافضـاً هـذي و ذيـك =عمره مـا فكـر بغيـرك.. ولا عـن [ثانـي] سـأل
رافـض الفكـرة [ بتاتـاً ] مـا يسـاوم مّـره فـيـك =أنت متربـع لحالـك ...وان ظهـر [غيـرك] أفـل !
أن جرحته [ يبتسـم لـك ] لـو تبيعـه يشتريـك =هو جنون الحـب هـذا ? أو كـذا سلـوم الغـزل!
الغريبه اني [ اسكت] لو تجي عينـي بعينيـك =المشاعر فـي حضـورك ضاعـت بلحظـة خجـل
ماقدر ينطـق لسانـي ماجمـع [حرفيـن ] بيـك=وانا ياما في [غيابك] قلـت فـي وصفـك جُمـل
ارفــق بقلـبـاً يحـبـك [ بــح ] صوته...يرتـجـيـك =وانتا مو راضـي تبيـن وش أسـوي لـك اجـل ?
لـو تبـي عيونـي حلالـك اشـر [بأصبـع] تجيـك =مهما كان اللي تبيه و مهمـا بسبابـه حصـل !
حط في بالك حبيبي....كلي ما أغلـى عليـك =مهما تجرحني تاكد..... كلهـا عنـدي عسـل !
طـال صمتـك وصمتـي .. قلت[ياويلـي عليـك] =في عيوني لك [كلام] وفي حطامي لـك أمـل
حتـى لـو طـوّل [سكوتـك] انـا صابـر واحتـريـك =مستحيل احب غيرك لـو يسمونـي [ خبـل ]!
تكفـي أعلنهـا صريحـة قل[أبيـك] او[مـا أبيـك] =لا تعلقني [فديتـك] ......مانـي قـادر أحتمـل!![/poem]

اهلا اهلا بالغالي اصييييييل من طول الغيبات جاب الغنيمه

وغنيمتك سمينه وجزله وجميله

حبيت ارحب فيك اولا ومنورنا بحضورك يالغالي

والرائعه بكلماتها وادائها استمتعنا بها كثيرا

فصح لسانك وسلم بنانك

الله عليك وعلى حضورك يا أصيل :162:


صح لسآآآنك وسلم صوتك :027: :161:


ومنورنا قسمبلاه ~


دوك على قبول الدعوه

:014:

وعلى القصيده

:014:

الجآدل قال:

حيـآك الله ويامرحبــآ بك ليــن ترضضــى نورت ,



مستحيل احب غيرك لو يسموني [ خبـل ]!

الله الله الله صح لســـــــــــآنك مـدد وبلآ عـدد
آبدعـــــت ,

ودي لك

أنقر للتوسيع...

ياهلابك الجادل صح كلك ماخلا ولا اعدم :014:

سكـور قال:

صح لسانك .. صديقي اصيل
فرحت كثير يوم شفتك مسجل عندنا هنا .. لك وحشه يالطربه
والقصيده مايحتاج
انت عارف رايي فيك
.
.
ننتظر جديدك يالعزوه​

أنقر للتوسيع...

الله يخليك النور نورك ... وما يوحشك غالي :014:

انا هو انا قال:

اهلا اهلا بالغالي اصييييييل من طول الغيبات جاب الغنيمه

وغنيمتك سمينه وجزله وجميله

حبيت ارحب فيك اولا ومنورنا بحضورك يالغالي

والرائعه بكلماتها وادائها استمتعنا بها كثيرا

فصح لسانك وسلم بنانك

أنقر للتوسيع...

صح كلك .. والنور نورك يالطربه :014:

خيشة نوم قال:

الله عليك وعلى حضورك يا أصيل :162:


صح لسآآآنك وسلم صوتك :027: :161:


ومنورنا قسمبلاه ~


دوك على قبول الدعوه

:014:

وعلى القصيده

:014:

أنقر للتوسيع...

اكيد عاد انتي راعية الدعوة ...

لك الشكر من اول سؤال عني الى وجودي هنا


تسلمين يا كحيلانه وعلى فكرة توقيعك :061:

ياهلا فيك خيييو

أسعدنا تواجدك

وصح لسانك وعلا شانك

ابيات راائعه

لاعدمناك

أنا عن نفسي متعطش لأصيل وحضور أصيل وإبداع أصيل
لأنك تطرب بكل حالاتك إي والله ماشاء الله عليك

صح لسانك ماتكفيك
وسعيد بشوفتك معنا

ياهلا بالاصيل مفتقدينك من زمان

والحمدلله اللي رجعت لنا بحايلنا



وصح لسانك على القصيده مببدع وربي مبدع

يا سلاااااااااااااااام

صح لساااااااانك سا أصيل على هذه الفاخرة التي ترفل شعراً وعذوبة
احساسك فيها عالٍ جداً .. استمتعت بما ابدعت ، لك اسلوبك الخاص والرائع .

\
لتفهمي مدى تقبلك
لدي ملحوظة بسيطة تحتمل الخطأ قبل الصواب :

قلبي اللي [ ملكته ] .. رافضاً هذي و ذيك

اعتقد أنها أسلم لو كانت (قلبي اللي امتلكته) .
\

طال صمتك وصمتي .. قلت[ياويلي عليك]
/ه//ه/ه //ه/ه /ه//ه/ه /ه//ه

هذا الشطر ينقصه حركتين /ه

إذ أن تقطيع الشطر للبحر الذي تكتب عليه هو :
/ه//ه/ه /ه//ه/ه /ه//ه/ه /ه//ه
فاعلاتن فاعلاتن فاعلاتن فاعلن

لو قلت :
طال صمتك مات صمتي ... قلت ياولي عليك
أو : طال صمتك جفّ صمتي ...
أو : طال صمتك طال صمتي ...


\

الأصيل : أصيل .. أنت شاعر وتكتب باحساس رائع
لا عدمنا تواجدك المثري

دمت بخير

مودتيـ

الله الله الله يااصيل صح لسانك واحساسك

ياخي مبطين عنك ياعميد رابطتنا ..



خذ هالزهره :067:

ياهلا بالاصيل
منور حايلنا وتواجدك اسعدنا كثيرا
اتمنى تكون بصحه وسلامه
........
احييك على هذه الباذخه في الجمال وحيالله صوووتك
ومازل اعجابي يتجدد في سلاسة مفرداتك وعذوبتها
فصح لسااانك وسلم احساسك
...
اطلت البقاء هنا متذوقا ً لعذووبة النص , وباحثا ً عن الفائده
وبالنسبه لتعليق البدر
لو لم يذكره لما انتبهت له
لكن ماشاء الله عليه يمتلك حس عالي
للأمانه انا دااائما اقع في مصيدة هذاا البحر ومازلت , رغم انه من البحور المحببه لي شخصيا ً
المشكله انه يبيك تشيله على اكثر من لحن عشان تكشف مواضع الشك عندك
فيه شيله للشاعر خالد بن مدعث الدوسري
لو شلت القصيده عليها ماراح تنكشف النقطتين اللي تكلم عنهم بدر
http://www.youtube.com/watch?v=WuwnqLppoqo
لكن لاحظ القصيده هذي لنفس الشاعر بس شالها ناصر الفراعنه
http://www.youtube.com/watch?v=qEclgfIzzQ8&feature=related
راح تلاحظ ان كلام البدر في محله
....
عموما ً ردي هذا عباره عن فائده استفدتها للتو , ولك وللبدر الفضل في ذلك بعد الله سبحانه
ان كانت صحيحه اتمنى ان ارى تأييدكم وان كانت خاطئه فللصواب دلوني
...
مودتي يا اصيل وعذرا على الاطاله

يا مساء الحلا وراعيه


يا هلا بالأصيل


منورنا ومطربنا دايما باحساسك وابياتك واسلوبك


صح لسانك وفكرك ولبى صوتك


أعجبتني القصيده ياخالد وخاصه هالبيتين :

مـاقـدر ينـطـق لـسـانـي مـاجـمـع [حـرفـيـن ] بـيــك
وانـا يامـا فـي [غيابـك] قلـت فـي وصفـك جُمـل

**
ارفـــق بقـلـبـاً يـحـبـك [ بــــح ] صوته...يـرتـجـيـك
وانـتـا مــو راضــي تبـيـن وش أســـوي لـــك اجـــل ?

تسلم لنا ويسلم لنا هالضياء :014: