اوادم تبلاك

السلام عليكم ورحمة الله


اوادم تبلاك

والله بلشنا بين هذا وهذاك=ناسٍ طبايعها تلاوين واشكال
ذاك الغبي مستذكيٍ حين يلقاك=متهقويٍ في منطقه قال ماقال
مايدري انه منكشف لو تتقاك=حسبي على اللي لبسه ثوب وعقال
والا ابو العريف بالهذره اذاك=لو مايعرف السالفه جاك مختال
السالفه لو قلتها قام وخطاك=واليا حشرته قال ما اقبل جدال
خالي عقل ماعنده الا اتحداك=والله مايحمل من العرف مثقال
والا ابو ذمه وسيعه ليا جاك=حلل وحرم..كيف يفتي ولازال
وان قلت برهن لي ودلل لفتواك=قال اتوقعها كذا رمعة هبال
هو من متى والشرع من عقله يحاك=الله يرحم من تورع بالاقوال
والا هذاك اللي يفسر خباياك=ويشرحك ويلبسك طبع الانذال
هذا على الرغم انه ابدن ماخاواك=حتى ولا راح وسأل عنك رجال
فعلاً لياقالوا اوادم تبلاك=مير الله اقوى عالم بكل الاحوال

وسلامة من تااابع
بوح وجداني