المسبحه

المسبحه

يالمسبحه صوت الخرز ليه منتك=صوت الحزن مابين تكه وتكـه
لايالخرز والله ماهـي بعادتـك=قلي من اللي صاب حسك بضكه
ان كانه الدنيا على الحزن حدتك=فاعلم ترى غيرك همومه تصكه
مانت الوحيد اللي ظروفك تحدتك=ولا انت الوحيد اللي زمانه يدكه
في هالزمن لازم تجدد ارادتـك=لازم تعلم كيـف قيـدك تفكـه
المسبحه في حبلها ليه شالتـك=جاوب علي ان كان مافيك ربكه
انا بجاوب لـك لأنـي عذرتـك=مساحةٍ من خافقي جـاك صكـه
لا قيمةٍ للمسبحه دون روعتـك=حبلٍ يتيمٍ يتعـب اللـي يشكـه
وانت بليا حبلها كيـف حالتـك=متشتـتٍ متبعثـرٍ دون مسكـه
من آخر المعنى اجيلك وتفتـك=كيف القطار يسير من دون سكه
لا يالخرز لاتترك حبال سبحتـك=فكري بتكاتـك سرابـي لمكـه
هذي كفوفي ودها بـك تتكتـك=في كل سجه تكـة غيـر تكـه

وسلامة من تااابع
بوح وجداني