انتي اقسى

كان في عمق المحاني مملكة شاعر فريده=مابها الا شعور ٍ شاب في صمته وحيد
كانت عيون الاماني تنتظر فرصه سعيده=كانت الحان انتظاري مستميته بالنشيد
كان/كانت .. والا مازالت تفسرني قصيده=والخطاوي ضايعه في دايره مابه جديد
المهم ان التعب في خافقي زايد رصيده=والعمر تركض سنينه ويتناقص بالرصيد
والاماني كذبة الواقع .. ولكني اريده=وجبة ٍ دسمه تسد الجوع للراس العنيد
تنجلد ذاتي بذاتي في نقاشات ٍ مفيده=اقتنع اني خطا باسباب صح ٍ مايفيد
الطم اصوات العتاب الداخليه بالنشيده=( ما انا الا انا /من حقي اطلب ما اريد )
ابعدي ياذاتي اللي كل حزن ٍ تستعيده=انتي اقسى /انتي اظلم /انتي ابعد من بعيد
اتركيني مع شعوري في قديمه في جديده=دام هذا من حقوقي مابي احساس ٍ بليد
للاحاسيس انجذاب ٍ مع تنافر مايجيده=الا قلب ٍ يشعر وينزف شعوره بالوريد
يكفي اني ملك في مملكه مابه فقيده=غير حلم ٍ ورّث الشاعر تباريح القصيد


وسلامة من تااابع
بوح وجداني