الذيب ماهرول عبث !!

السلام عليكم

قصيده تستحق النقل اكثر من مره لروعتها

---------------------
http://www.youtube.com/watch?v=tfVgIrovBTw
---------------------

ياعين عمدان السهر قامت ولا حولش منام
الهم جاني مبتداه ورحمة الله شامله

تلعب بي الدنيا وانا كنت احسب ان الحظ قام
الله يعوض خير في جهد اليدين العامله

مثل العقيم اللي رزقه الله فاحلامه غلام
من فرحته مافارقت راس الغلام انامله

ماتمت الفرحه وراحت روحه بسن الفطام
الله عطا والله خذا فرحه ولاهي كامله

خفا من اوجاع الزمان وفاع من نفح العسام
وليا تمنى جمع اشد العنى عوامله

عيا يزين الحال حتى فالتمني والكلام
الصبح مقتول التوهم والليال ارامله

اقدار سوت بي سوات الشلف عجلات الولام
تبطش ويبطش فالحشا صيب الجروح الدامله

شرع الدهر يومين زين وشين لله الدوام
عاد الليالي مقبله مدري وشنهي حامله

والحظ مايسمع ولاينطق ولا عنده نظام
اظن لو يعرف عنا راعيه فز وقام له

مافات مات وببتدي مادام لي شف ومرام
دام الامل موجود فقلوب الوجيه الامله

اللي زرع يحصد وانا بالنور واجهت الظلام
واللي يكرر غلطته بانت عليه الخامله

ياصاح انا سقت القدم صوبك ولافيها كلام
خل النظر حول النظر تلقى علومي صامله

الذيب ماهرول عبث !! والطق في الميت .. حرام
والحر تكفيه الاشاره لابغيت تعامله

انا ماسج الرجل للي يرتخي وقت الزحام
اسجها للي علومه طيبه وازامله

لامن صحبنا ماصحبنا الا رفيعين المقام
الكير نحرب نافخه والمسك نصحب حامله

ماهانت العشره ياخيك اللا على روس الهلام
اترك سميلات الجداد البس جداد السامله

اللي مايعنيني ما يعنيني ولا اعطيه اهتمام
كوامله نواقصه نواقصه كوامله

قلنا ذلول حزام مردوفه وزعلنا حزام
يحسب ذلول حزام له مدري يحسب حزام له

اقدام سيقان النعام تأثر بروس النعام
اثر النعامه راسها لاطال تصبح ثامله ؟؟

حمل الرسايل والمسافه فوق جنحان الحمام
الطير بالمكتوب حايم للوطن ما حام له

روس الحبال معقده مابين جوخ وبين خام
والموقف الغصاب سلم لي على قرامله

الطيبين مصدرين العلم قصاص العظام
الطيب لو ماجاو له جاهم يغني زامله

وان ضاعوا اهل المعرفه قلنا على الدنيا السلام
اصل الاصايل يحتويها ماتعود هامله

يعنها اللي في اللقاء ضاري على ورد الحيام
يزعزع البيدا ولاجار الزمن في زامله

كان الزمن عيا يطيع فخلها راس وسنام
واخيك من عقب التعب عرض ابتسامه جامله

للشاعر /عبد الله بن عمارهـ

آنشهد آنه تستحق ~

صح لسان شاعرها ~ و تسلم ماجد على هالتوحفه

ومن قال يسلم يافن يسلم ذوقك ياغالي

الله الله ياماجد
سمعتها ومازلت اسمعها
وكل من سمعها اعجب بها كلمات واداء ومعاني ولحن
عشت

ومن قال يبقى ويعيش ياصديقي