قرارك يحسم الموضوع

أسعد الله أوقاتكم بكل خير

\
بـكـى شـمـع الحزن فيني وفـجَّـر بالعـيـون أنـهــار
عـلـى خــدي غــدا شــلّال وسـاسـه نـبـض حرماني

بكـى فـي صمـتـه المعـهـود وزلــزل بالحنـايـا اســوار
وزعـزع صبري الشامـخ .. وهدد عـرش وجـدانـي

شهـادة حـق ..!! ذقـت المـرّ وبفراقـك شـربـت أمــرار
حبيبـي قلبـك القـاسـي..! إلــى هالـيـوم ما لانــي ؟!

تعال وشوف في صدري .. جبل صبري وكيف انهار
وكيـف ازهـار شـوقـي لك .. بــدت تـذبـل ببستـانـي

مـلامـح هالمـكـان اضـحـت .. تبكّيـنـي وأنــا مـحـتـار
ادوّر بــيــن أنـقـاضــه .. عــلــى قـلــبــي وعـنــوانــي

تـغـيـر هالـمـكـان وصـار ايْـخـبــي داخــلــه اســــرار
وقـلـبـي ، وحـبـه المكـنـون ! مـات .. وناحـت احـزاني

حبيـبـي عــود للمـاضـي .. تـذكّـر يــوم كـنـا صـغـار
وكـنـت افــرح اذا شفـتـك .. واعـيــش بـعـالـمٍ ثـانــي

اجـمِّـع لــك ورق وألـعـاب .. احـضِّـر لـك قلم وأفكـار
وذاك الوقـت كـل همّـي .. تجـي تلعـب عـلـى شـانـي

بـــراءة عشـتـهـا ويـــاك زالـــت يـــوم صـرنــا كــبــار
وشفت الشمس بالغطوة .. بدت تِحْجَـبْ عـن اعيانـي

ابــد مـانـي معارضـهـا .. ولا لــي فـيـهـا أي انـكــار
وشـــرعٍ نــزّلــه ربــــي ..! يــزيــد الـقـلــب ايـمـانــي

وانـا مسلـم وَعَـرْف الله .. وَعَـرْف الجنّـة هـي والنّـار
ولكـن بالحـشـى طـفـلٍ .. يـصـيـح مْــنَ الـولـه عـانـي

يصـيـح ويجـبـر الشـاعـر .. يـخــط بدمـعـتـه اشـعــار
وَلَــه، شــوق ، ومـعـه كـم بـيـت يْـهــدي نـــار بـركـاني

(حبيبـي اسـف ازعجتـك) .. اغنـي باللحـن (تذكـار)
واغنـي كـل اغانـي الـشـوق ارددهــا عـلـى لسـانـي

ابيـك ومـا ابيـك احيـان وْبـعـض احـيـان انــا اخـتـار:
اكـون قـريّــب لـقـلـبـك واقــــول ارجــوك تـنـسـانـي

تجـي وشلـون..؟ انـا مـدري !! ولـكـن سـنـة الأقــدار
تـقـول إن كــل شــيٍ جــا عـلـى الدنـيـا تــرى فـانــي

اخـاف اسـعـى انــا لقـربـك .. يفاجيـنـي بــك التـيـار
يعاكـس موجـة احلامـي .. ويغرقنـي مــع اشجـانـي

انـا مـدري وش اكتـب لـك .. تشتـت ذهـنـي المحـتـار
انــا مــدري ابـيـك الحـيـن !! والا اعـيـش وحـدانـي!!

خـلاص ارجـوك فسـرهـا .. عـلـى فهـمـك انــا سـيّـار
قـرارك يحسـم الموضـوع انـا المجـنـي أو الجـانـي؟!

\
وسلامة قلوبكم


/

بَدرْ بِنْ عَبْدَالله
بَيْتُ الْقَصِيْد