يا شمس

السلام عليكم

(( ياشمس ))

ماجد بن عبدالله الشمري

---------------------

[poem=font=",6,tomato,bold,italic" bkcolor="transparent" bkimage="" border="none,4," type=1 line=1 align=center use=ex num="0,black""]
ياشمس ياحظّك تشوفين خلّي=كل ماطلعتي للسما تنظرينه
اذا لمحتي وجنته فاسفهلّي=يعكس عليك النور وابرق جبينه
شوفي جماله باقين وامتعلّي=ولّا براه البعد واقفت سنينه
البارحه نوم الهنا ماحصلّي=انطر شروقك برسلك تسألينه
مرّي عليه ومن ورى الباب طلّي=وان كان فيه النوم لا تزعجينه
قولي علامه بالوصل مستقلّي= وش مشغله عني عسى الله يعينه
ليه الجفا والصد ليه التغلّي=ياخـوف قلبه .. غيرنا مشغلينه
لاترفعين الصوت يزداد غلّي=واذا تكلم اسكتي تسمعينه
واذا تضايق منْك ياشمس زلّي=حنا بفصل الصيف لا تحرقينه
ياليت ياخذ فَيْ واعطيه ظلّي=اخاف زينه يمنعك تتركينه[/poem]


---------------

وسلامتكم