السراب

السراب


[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] هيه يادرب ٍ مشينابه سوا=طوّل المشوار واقدامي حفت
السهر والشوك والذيب ان عوا=كلهم ضدي وكني ماخفت
والقمر دايم ونيسي لاضوا=والسما تعكس شعوري لاصفت
والغضا مذراي لاهب الهوا=جمرته تدفي وروحي مادفت
والنظر لو يسحره نجم ٍ هوا=كان همشت النعايم لالفت
والسراب اللي من احساسي روا=ارتوى من دمعتي لين نشفت
يستثير الشوق في قلب ٍ ذوا=فزز الروح الضميه وهتفت
ماسقى قلبي ولامره نوا=اجهد الخفاق رغم اني شفت
والتوجد لاشلع بي والتوا=كن روحي للتهالك اشرفت
ياسكوت الليل ياصدرن حوا=شمعة اشواق ٍ توقد ماطفت
ذوبت عمري وقلبي انكوا=اسهرت عين ٍ تمنى لو غفت
والنعاس ان زارني ماله لوا=كل هوجاس ٍ تفرعن والتفت
اروي اوراقي وقلبي مارتوا=يكتفي حرفي وروحي ماكتفت
جيت ادور بالقصايد لي دوا=لكن ابياتي على الجرح .. عزفت
هيه يادرب ٍ يكذّب من روا=جرت اقدام المشاعر وقفت[/poem]

وسلامة من تااابع
بوح وجداني