اشباح

اشباح

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] اقول :انا مرتاح في دنيتي دوم=والا انا ..والله ماني بمرتاح
ليل وسهر..حزن وقهر..جرح وهموم=على خفوقي ..تركز سهوم ورماح
مليان صدري آآاه ..والقلب مكتوم=لابحْت سدي للقلم..مدمعه ساح
يكتب ..عباير خافق ٍ صار مهموم=اقراه ..والقى ترجمة شعري اشباح
اشباح ..تسكن بين الاضلاع وتحوم=واللي جفل من زول الاشباح..افراح
اقول انا مرتاح ..والقلب ملغوم=وان طل بوحي ..رحت اخبيه لا لاح
يابوحي ادري ..بيننا السر معلوم=والناس لو تدري ..تجاوبك بصياح
يابوح لا تفصح ..وتجلب لي اللوم=سامر همومي ..لين ياتيك الاصباح
موسوم قلبي ..بالتناهيت موسوم=لكن على الله ..كل الاحزان تنزاح
ياقلبي اصبر.. واقنع بكل مقسوم=لايذبحك همك ..ترى الهم ذباح
وان كانها موتت قهر..ليته اليوم=ولا يقولون الجدي ياعرب...طاح[/poem]

وسلامة من تااابع
بوح وجداني