البخل

البخل

[poem=font=",6,black,normal,normal" bkcolor="transparent" bkimage="" border="none,4," type=0 line=1 align=center use=ex num="0,black""] كلن على جوّه ابعطيه جوّه=وانا على جوي ..وللناس اجواه
راضي على نفسي ..وراضي بقوه=دام (الثريا والجدي) كاسب رضاه
رو القلم ياذيب بالحال روه=يمليك راسي حرف مفجوع معناه
لليل ظلمه والشعر جاك ضوه=من بوح وجداني الى عين تقراه
من عانده حظه تعذبه لوه=يضيع عمره بين ليت وحلولاه
واللي زمانه صافي ٍ له تفوه=يقول وش في هالبشر تشكي الاه
اللي يصلي وش لكم في وضوه=هذي امور ٍ بينه وبين مولاه
من راقب العالم وزاد ابغلوه=ليته يساعد من زمانه توطاه
مير البلا لاجاك حضرة سموه=يبحث خبايا الناس ويجيب اقصاه
لو فيه خير ويتصف بالمروه=يمطر بكفه خير من جوف مخباه
لكن محال انه يفارق دنوه=داني يعبد المال منذل مبداه
دايم رصيده ماشي ٍ في علوه=محروم بالدنيا وخسران اخراه
عادي ولو ياكل زبايل عدوه=بس المهم مايصرف القرش لاجاه!
ينهان !!كيفه لعنبو هالربوه=لكن يجوّع بيته اللي تولاه!
لو مات قلنا لاهل بيته هنوه=مثله فلا ظنيت يبكون فرقاه
شفت البشر مابين حر ٍ وبوه=مير البخل ماينوصف لو وصفناه
ماهي بسوه لو تقولون سوه=شفت الذي هز المحاني وادماه
طو الورق بالحال ياذيب طوه=انا على جوي وللناس اجواه[/poem]

وسلامة من تااابع
بوح وجداني