رساله الى قلبي

رساله الى قلبي

مللت الصمت وعذري يوم امله=سئمته عارف ان تاليه عله
لذا لابد ان اكتب وافضفض=فمثلي في سكاته كسرة ٍ له
انا انسان عادي مثل غيري=فلا من لوم اذا قافي اتله
سلامي واحترامي للمشاعر=وبسم الله قصيدي استهله
خفوقي ليه مايسمع كلامي=الا يعلم بأني ناصح ٍ له
ليامني ومرته مايطاوع=ولامني دعيته راح كله
عجيب امره ولاباليد حيله=معذبني ولاني قادر ٍ له
الا ليته يجادلني وينطق=لعلي افهمه من منطق ٍ له
ولكنه يحب الصمت دايم=وهذا مايزيد الطين بله
طلبتك يامشاعر ساعديني=خفوقي ضاع مني في محله
مكانه هو مكانه ماتغير=بصدري بس ماني واصل ٍ له
عرفت انه خفوق انسان ثاني=اسر قلبي وصار مطاوع ٍ له
الا واعزتي لك ياخفوقي=اسرك انسان ماياوي لخله
مصيرك تعرف انه غير عادي=ولو تهرب طريقي ماتدله
رضالي بالعنا مامد كفه=ونفيي للتعاسه جايز ٍ له
محبن لي يعاملني عدوه=غرامه ليس ذو شرع ٍ ومله
الى قلبي ابرسل هالرساله=ولاني في طريقه واقف ٍ له
انا مالي سوى حل ٍ وحيدي=ابيع الروح ما ارضى مذله
بعقلي عايشن عيشه سعيده=وقلبي يستحقه مستحله
الا تبا ً لقلبي يوم حبه=وتبا ً للهوى دقه وجله
قناعه مابعدها من قناعه=ابعلنها واغني به واشله
طريق الحب مابه نجم هادي=ودرب ٍ تجهله ياقلب خله

وسلامة من تااابع
بوح وجداني