اوراقي

من قصائد المرحة الثانية (الجديدة)

نثرت أوراق قديمة باستعيد=ذكرى لأيام مضت واسترجعة
سرحت بالذكرى وخلت إني سعيد=ولقيت باوراقي حروف مجمعة
كانت بقايا اوراق مافيها جديد=كانت بقايا حروف مابه مطمعة
كانت تغني فرحة في يوم عيد=يرجع صدى صوته ولا احد يسمعة
كانت تنادي حب من ماض بعيد=ايام فيها شوق خل ولعة
كانت تجر احزان من حزن اكيد=تلعب بخدة دمعة من مدمعة
كانت هبايب ريح تلعب بالجريد=تطرد بقايا فلك فل الاشرعة
كانت جروح ودم يسري بالوريد=صارت سبايب جرح ماحس وجعة
كانت حلايا طيف من حلم سعيد=او وردة تبعثرت من زوبعة
باتت تحاكي بيت من شعر وقصيد=والا بقايا ارسوم بدو انجعة
زادت علي السحر من ساحر عنيد=كانت بقايا قصة ما اروعة
مرت مرور الغيم في برد شديد=او نسمة مرت علي له ذعذعة
مرت علي لحظات فيها استعيد=أيام مرت في حياتي ماَسرعة

وســــــلامتكم